រំភើបជំនួស! ខួបកំណើត ពេជ្រ សោភា ឆ្នាំនេះ ពោរពេញទៅដោយភាពរីករាយ រហូតដល់បានបង្ហោះសារបែបនេះ

ភ្នំពេញ៖ មហាជនពិតជាបានស្គាល់ហើយតារាចម្រៀង សំឡេងពីរោះ ស្រទន់ ធ្ងន់ និងមានសម្រស់ស្អាតនោះគឺអ្នកនាង ពេជ្រ សោភា ដែលជាតារាចម្រៀងប្រចាំផលិតកម្ម រស្មីហង្សមាស។ អ្នកនាង ពេជ្រ សោភា គឺជាតារាចម្រៀងដ៏មានប្រជាប្រិយភាព រស់រាយរាក់ទាក់ ក្រមិចក្រមើម នៅក្នុងវិស័យសិល្បៈ ក្រៅពីនេះ អ្នកនាងតែងតែជួយដល់ជនក្រីក្រ ចាស់ជរា និងជនមានពិការភាព បើទោះបីជាការជួយនោះបានតិចតួចក្ដី។

ដោយឡែក ដោយសារតែមួយរយៈនេះ មានជំងឺកូវីដ-១៩ បានរាតត្បាតទូទាំងពិភពលោក និងបានឆ្លងចូលដល់ប្រទេសកម្ពុជាផងដែរនោះ បានធ្វើឲ្យអ្នកនាងខកខានបង្ហាញមុខក្នុងការចូលរួមសម្ដែងក្នុងកម្មវិធីប្រគំតន្ត្រីនានា មានការបបិទការជួបជុំ និងការប្រគំតន្ត្រី Concert ធំៗនានា ដើម្បីចូលរួមជួយទប់ស្កាត់ជំងឺកូវីដ-១៩ នេះ។

ជាក់ស្ដែង កាលពីពេលថ្មីៗនេះ តារាចម្រៀងអ្នកនាង ពេជ្រ សោភា បានបង្ហោះរូបថតជាច្រើនសន្លឹកក្នុងកម្មវិធីខួបកំណើតរបស់ខ្លួនក្នុងវ័យ ៣៧ឆ្នាំ យ៉ាងសប្បាយរីករាយ ដោយមានអ្នកចូលរួមក្នុងកម្មវិធីជាច្រើន និងមានមិត្តភក្តិរួមអាជីព និងហ្វេនៗ មួយចំនួនបាន Share នូវការផុសរបស់ ពេជ្រ សោភា ក្នុងថ្ងៃខួបកំណើត ហើយបានបន្ថែម Caption នូវពាក្យជូនពេញបណ្ដាញសង្គមហ្វេសប៊ុក​។

ងាកមកមើលកាដូក្នុងថ្ងៃខួបកំណើតរបស់ អ្នកនាង​ ពេជ្រ សោភា វិញ មានច្រើនសន្ធឹកសន្ធាប់រាប់មិនអស់ ដែលបានទទួលពីឪពុក ម្ដាយ បងប្អូន ពូមីង និងមិត្តភក្តិរាប់អានគ្នា មានដូចជា ចង្កៀងភ្លើង ពណ៌រូបផ្កាកូលាប, D&B Dabrans ជាដើម និងកាដូ វត្ថុអនុស្សាវរីយ៍ជាច្រើនទៀតដែសុទ្ធសឹងតែជារបស់ប្រេនៗ។

អ្នកនាង ពេជ្រ សោភា រំភើបពេក រហូតដល់បានបង្ហោះសារក្នុងថ្ងៃខួបកំណើតរបស់ខ្លួនថា៖

១. អរគុណអ្នកអស់គ្នាសម្រាប់ឆ្នាំនេះ អ្វីសំខាន់អូនស៊ីបងបានសម្រេច តែបងចង់និយាយថា បង ស្រលាញ់អូន អរគុណដែលស្រលាញ់បងជាបង បែបនេះរហូតបានទេ? 37ឆ្នាំ ហើយខ្ញុំអើយ។

២. អរគុណអ្នកទាំងអស់គ្នាដែលបានផ្តល់ក្តីស្រលាញ់អោយនាងខ្ញុំ អរគុណចំពោះការចូលចិត្ត ហើយអ្វីដែលពិសេសគឺអ្នកទាំងអស់គ្នាស្រលាញ់ខ្ញុំជាខ្ញុំ អរគុណចំពោះការជូនពរ អរគុណដល់កាដូទាំងអស់៕

រូបទស្សនារូបភាពក្នុងថ្ងៃខួបកំណើតរបស់ អ្នកនាង សោភា ខាងក្រោម៖