ចិន៖ កាលពីថ្មីៗនេះ យោងតាមគេហទំព័រ Shanghai East បានរាយការណ៍ថា មានរឿងដ៏គួឲ្យភ្ញាក់ផ្អើលយ៉ាងខ្លាំង ចំពោះតារាសម្ដែងស្រីដ៏មានប្រជាប្រិយភាព Diliraba ក្រោយពេលដែលអ្នកគាំទ្រជាច្រើន បានដឹងថា មានបុរសម្នាក់ បានលុតជង្គង់ ស្នើសុំនាងរៀបការ នៅពាក់កណ្តាលកម្មវិធី ដែលកំពុងតែផ្សាយលើកញ្ចក់ទូរទស្សន៍ Hunan ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហេតុការណ៍នេះ បានកើតឡើង ក្នុងអំឡុងពេលផ្សាយផ្ទាល់ នៅល្ងាចថ្ងៃទី ៧ ខែមិថុនា ខណៈពេលដែល Diliraba កំពុងនិយាយជាមួយនឹងពិធីករ ហើយបុរសនោះ ស្រាប់តែបានរត់ទៅខាងលើ រួចលុតជង្គង់ក្បែរនាង ហើយប្រគល់ចិញ្ចៀន ដើម្បីស្នើសុំនាងរៀបការ។ ម៉្យាងវិញទៀត ចំពោះ Diliraba មើលទៅនាង ពិតជាមានភាពភ្ញាក់ផ្អើលយ៉ាងខ្លាំង ហើយពេលនោះ ពិធីករផ្សេងទៀត បានចូកមកឃាំងឃាត់ រវាងបុរសនោះ និងនាង ផងដែរ ។
ថ្ងៃបន្ទាប់មក ទំព័ររបស់អ្នកគាំទ្ររបស់ Diliraba បានចេញសេចក្តីបញ្ជាក់ថា បុរសម្នាក់នោះគឺជា Stalker ដែលបានលួចតាមដាន និងគំរាមតារាស្រីរូបនេះ អស់រយៈពេលកន្លះឆ្នាំទៅហើយ។ បុរសរូបនេះ បានលួចចូលទៅក្នុងឡានរបស់នាងជាច្រើនជាងម្តងថែមទៀតផង។ ហើយនេះមិនមែនជាលើកទីមួយទេ ដែលបុរសរូបនេះ ស្នើសុំនាងរៀបការ។
ជាមួយគ្នានេះដែរ ទំព័រ Sina បានរាយការណ៍ថា មន្រ្តីប៉ូលីស ក្រុង Changsa បានចូលស្ទូឌីយោ នៅថ្ងៃកើតហេតុ ដើម្បីឃាត់ខ្លួនបុរសរូបនេះ ហើយបុរសម្នាក់នេះ ក៏ត្រូវបានឃុំខ្លួន រយៈពេល ៧ ថ្ងៃ ដោយសារអាកប្បកិរិយាដូចបានរៀបរាប់ខាងលើ ផងដែរ៕
សូមទស្សនារូបភាពខាងក្រោម៖