ឥណ្ឌូនេស៊ី៖ ថ្មីៗនេះ មានរឿងដ៏ខកចិត្ត ហើយនឹកស្មានមិនដល់មួយ បានធ្លាក់លើកូនកំលោះ ដែលទើបនឹងរៀបការរួចថ្មីថ្មោង ក្រោយពីដឹងថាប្រពន្ធរបស់ខ្លួន ជាមនុស្សប្រុស។

លោក មួរ វ័យ៣១ឆ្នាំ ជាកូនកំលោះ បានរៀបរាប់ថា ដំបូងឡើយ លោកបានស្គាល់នាង មីតា ដែលត្រូវជាប្រពន្ធ តាមរយៈបណ្ដាញសង្គម។ ហើយបន្ទាប់ពីទាក់ទងគ្នាបានមួយរយៈ លោក និងនាងហាក់យល់ចិត្តគ្នាទៅវិញទៅមក រហូតឈានដល់សម្រេចចិត្តរៀបការ ដែលប្រារព្ធធ្វើឡើងកាលពីថ្ងៃទី២ ខែមិថុនាកន្លងទៅនេះ។

យ៉ាងណាមិញ នៅថ្ងៃរៀបការ លោក មួរ មិនបានឃើញមុខរបស់កូនក្រមុំឡើយ ដោយសារតែនាងគ្រងនូវឈុតអាពាហ៍ពិពាហ៍ ដែលគ្របដណ្ដប់ស្ទើរពេញមួយតួខ្លួន លើកលែងតែភ្នែកប៉ុណ្ណោះ។

ក្រោយពីពិធីរៀបការត្រូវបានបញ្ចប់រួមមក នៅយប់ថ្ងៃទីមួយ លោក មួរ បានសុំនាង មីតា រួមដំណេកជាលើកដំបូង ប៉ុន្ដែនាងបែរជាបដិសេធ។ ទន្ទឹមនឹងនេះដែរ លោក មួរ ហាក់មានអារម្មណ៍អន់ចិត្តបន្ដិចបន្ដួច ប៉ុន្ដែលោកគិតថាប្រពន្ធរបស់ខ្លួន ប្រហែលជានៅមានអារម្មណ៍ភ័យខ្លាច។ លុះយប់ថ្ងៃទីពីរ លោក មួរ បានសុំនាងរួមដំណេកម្ដងទៀត តែជាលទ្ធផល នាងនៅតែបដិសេធ.ដដែល និងសុំលោកលែងលះ ហើយនាងក៏រត់ចេញពីផ្ទះបាត់ទៅ។

បើទោះជាយ៉ាងណាក្ដី លោក មួរ មានអារម្មណ៍ថាខុសឆ្គង ហើយក៏ធ្វើដំណើរទៅកាន់ផ្ទះរបស់នាង មីតា ដើម្បីលួងលោមនាងឲ្យត្រលប់មកផ្ទះវិញ។ ខណៈពេលកំពុងស្វែងរកអាស័យដ្ឋានរបស់ប្រពន្ធ លោក មួរ សង្កេតឃើញថា អាស័យដ្ឋាននោះត្រូវបានចុះក្នុងបញ្ជីជារបស់បុរសម្នាក់ដែលមានឈ្មោះថា មីត។ ហើយក្រោយពីពិនិត្យស្រាវជ្រាវបន្ថែមទៀតរួចមក ទើបដឹងថា តាមពិតទៅ នាង មីតា គឺជាបុរសឈ្មោះ មីត

ជុំវិញរឿងរ៉ាវខាងលើនេះ បានធ្វើឲ្យលោក មួរ ឈឺចិត្តជាខ្លាំង ហើយក៏រាយការណ៍ទៅកាន់ប៉ុស្តិ៍ប៉ូលិស និងស្នើសុំលែងលះតែម្ដង៕

សូមទស្សនារូបភាពខាងក្រោម៖

លោក មួរ និងនាង មីតា
លោក មួរ និងនាង មីតា

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ