បរទេស៖ កាលពីពេលថ្មីៗនេះ មានប្រិយមិត្តអ្នកនិយមលេងបណ្ដាញអុីនធឺណេតជាច្រើន បានផ្ទុះការចាប់អារម្មណ៍យ៉ាងខ្លាំង ទៅលើឃ្លីបវីដេអូមួយ ដែលបង្ហោះនៅលើបណ្ដាញសង្គម Tik Tok ដោយបង្ហាញពីទូរសព្ទម៉ាក iPhone 6 រាប់ពាន់គ្រឿង ត្រូវបានគេយកទៅបិទជាប់នឹងរបងបេតុងខាងមុខផ្ទះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង បើតាមសម្ដីម្ចាស់វីដេអូ ដែលជាជនជាតិវៀតណាម បាននិយាយថា មូលហេតុដែលគេសម្រេចចិត្តចំណាយលុយយ៉ាងច្រើនសន្ធឹកសន្ធាប់ទៅទិញទូរសព្ទស្មាតហ្វូន មកតុបតែងជាគ្រឿងលម្អសម្រាប់របងផ្ទះបែបនេះ ព្រោះយល់ថា វាប្រសើរជាងប្រើប្រាស់ឥដ្ឋការ៉ូ ឬក្បឿងជាដើម។
យ៉ាងណាមិញ ឃ្លីបវីដេអូដ៏គួរឲ្យចាប់អារម្មណ៍នេះ ទទួលបានអ្នកចុចចូលទស្សនាជាង ១.៧លានដងឯណោះ និងមានអ្នកខ្លះបានបញ្ចេញមតិ ដោយលើកឡើងថា វាគ្រាន់តែជាផ្ទាំង Sticker ដែលយកមកបិទប៉ុណ្ណោះ ខណៈផ្នែកខ្លះនៃវីដេអូបានបង្ហាញថា យ៉ាងហោចណាស់ក៏មានទូរសព្ទ iPhone 6 ពិតប្រាកដមួយចំនួនផងដែរ។
ទោះជាយ៉ាងណាក៏ដោយ គ្មាននរណាម្នាក់បានដឹងច្បាស់ពីប្រភពនៃវីដេអូ និងទីតាំងផ្ទះនោះស្ថិតនៅទីកន្លែងណាឡើយ ប៉ុន្ដែនៅក្នុងវីដេអូគេអាចឮបទចម្រៀងដែលច្រៀងជាភាសាវៀតណាម៕
សូមទស្សនារូបភាព និងវីដេអូខាងក្រោម៖