ឥណ្ឌា៖ សត្វដំរីព្រៃញីផើមមួយក្បាលដែលមកពីតំបន់សាយលេន ក្នុងស្រុកផាឡាកាត់ បានចេញមករកចំណីនៅក្បែភូមិមួយ ហើយវាត្រូវបានគេសង្ស័យថា បានសុីម្នាស់ដែលបង្កប់ដោយគ្រឿងផ្ទុះនៅក្នុងនោះដែលដាក់ដោយអ្នកស្រុក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដំរីផើមមួយក្បាលនេះបានស្លាប់កាលពីថ្ងៃពុធ ទី២៧ ខែឧសភាបន្ទាប់ពីគ្រឿងផ្ទុះបានបំបែកមាត់របស់វាដែលបណ្តាលឱ្យអណ្តាត និងមាត់របស់វារងរបួសយ៉ាងធ្ងន់ធ្ងរ ដែលនេះជាការបាត់បង់យ៉ាងអាណោចអាធម្មបំផុតសំរាប់សត្វព្រៃ ជាពិសេសមានការរិះគន់យ៉ាងចាស់ដៃក្នុងបណ្តាញសង្គម។
មន្រ្តីរដ្ឋបាលព្រៃឈើបានសង្ស័យថា វាបានសុីម្នាស់ដែលមានគ្រឿងផ្ទុះដែលធ្វើដោយដៃរបស់អ្នកស្រុកសំរាប់ការពារចម្ការពីការបំផ្លាញរបស់សត្វជ្រូកព្រៃ។ គួរបញ្ជាក់ថា គេបានចាត់ឱ្យម័រដំរីពីរនាក់ឱ្យព្យាយាមនាំវាចេញពីទន្លេ ខណៈដំរីមួយក្បាលនេះពោរពេញដោយការស្រេកឃ្លាននឹងការឈឺចាប់ ប៉ុន្តែវាហាក់មិនព្រមទៅណាទាំងអស់។
ចុងក្រោយដំរីផើមគ្រោងនឹងបង្កើតកូនឆាប់នេះបានងាប់នៅក្នុងទឹកទាំងឈរនៅវេលាម៉ោង៤ ល្ងាចថ្ងៃទី ២៧ ហើយត្រូវបានដឹកត្រលប់យកទៅដុតនៅក្នុងព្រៃដែលវាបានរស់នៅ៕
សូមទស្សនាវីដេអូខាងក្រោម៖