អាមេរិក៖ ការធ្វើបាតុកម្មរយៈពេល ៧ថ្ងៃ នៅក្នុងថ្ងៃទី៤ នៃការតវ៉ា ដែលប្រឆាំងនឹងចំណាត់ការដ៏ ឃោរឃៅរបស់មន្ត្រីនគរបាលនៅតែបន្តលើទឹកដីទីក្រុងញ៉ូវយ៉ក និងសាន់ហ្វា្រនស៊ីស្កូ កាលពីយប់ថ្ងៃអាទិត្យកន្លងទៅនេះ នៅពេលមនុស្សជាច្រើនពាន់នាក់បានដើរជាក្បួន ក្នុងនោះក្រុមអ្នកតវ៉ា និងមន្ត្រីជាច្រើនបានព្យាយាមរក្សាភាពស្ងៀមស្ងាត់ បន្ទាប់ពីមានការចលាចលជាច្រើនថ្ងៃ ដែលបានធ្វើឲ្យខូច ខាតរថយន្តរបស់នគរបាលជាច្រើនគ្រឿងដោយការដុតបំផ្លាញ វាយកម្ទេចហាងទំនើបៗ យកអីវ៉ាន់ និងបានចាប់ខ្លួនមនុស្សរាប់រយនាក់។

ដោយឡែក កាលពីព្រឹកថ្ងៃចន្ទកន្លងទៅនេះ នៅសង្កាត់សូនៃទីក្រុងម៉ានហាថាន់ ដែលក្រុមមនុស្សគ្មានសណ្ដាប់ធ្នាប់ បានប្រមូលផ្ដុំគ្នាតាមចិញ្ចើមផ្លូវទីសាធារណៈនានា ព្រមទាំងវាយកម្ទេចផ្សារទំនើបមួយចំនួនដើម្បីចូលលួចអីវ៉ាន់ប្រេនៗ។

ក្រុមបាតុករកំពុងធ្វើការតវ៉ា

ហាងមួយចំនួនដែលមាន ស្លាកយីហោ Rolex, Chanel, Happy Socks និង Prada ព្រមទាំង ហាងលក់សំលៀកបំពាក់ និងគ្រឿងអេឡិចត្រូនិចជាច្រើនទៀតដែលត្រូវបានមនុស្សរាប់រយនាក់ចូល លួចប្លន់ទំនិញ។ ក្នុងនោះ មានមនុស្សម្នាក់ត្រូវបានបាញ់រងរបួសស្របពេលមានភាពវឹកវរ ហើយត្រូវបានសង្រោះនៅក្នុងរថយន្តគិលានសង្រ្គោះ។

ពិតជាសាហាវ ដែលក្រុមបាតុករធ្វើការបាតុកម្មបែបនេះ ដោយក្នុងនោះយើងឃើញមានមន្រ្តីនគរបាលជាច្រើន​ព្យាយាមទប់ស្កាត់ ដោយប្រើប្រាស់បំពង់ផ្សែងបាញ់ដាក់ក្រុមមនុស្សទាំងនោះ ព្រមទាំងមានរថយន្ដរបស់មន្ត្រីនគរបាលបានព្យាយាមបើកបំបុក ប្រជាពលរដ្ឋស្ដែងៗ កំឡុងពេលបាតុកម្មនេះ៕

ខាងក្រោមនេះជារូបថតមួយចំនួនកំឡុងពេលបាតុកម្មតវ៉ា៖

ក្រុមបាតុករកំពុងលួចទំនិញក្នុងហាង
នគរបាលកំពុងធ្វើការទប់ស្កាត់ និងបានបើកឡានបំបុកក្រុមបាតុករ
នគរបាលសម្រុកដេញក្រុមបាតុករ
នគរបាលជិះសេះជាន់បាតុករជានារី
ក្រុមបាតុករ កំពុងប្រមូលសម្ភារៈ ឬទំនិញផ្សេងៗ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ