Yang Mi ត្រូវគេរិះគន់យ៉ាងចាស់ដៃ ស្រលាញ់លុយជាងកូន ដល់ថ្នាក់ភ្លេចរឿងពិសេសមួយនេះ

ចិន៖ ដូចដែលប្រិយមិត្ត បានជ្រាបមកហើយថា តារាសម្ដែងស្រីជនជាតិចិន ដ៏មានប្រជាប្រិយភាព Yang Mi និងអតីតស្វាមី លោក Hawick Lau បានប្រកាសលែងលះគ្នា កាលពីឆ្នាំ ២០១៨ ហើយ ហើយដោយសារតែ Yang Mi មានភាពមមាញឹកនឹងការងារសិល្បៈយ៉ាងខ្លាំង ដូច្នេះហើយ កូនស្រីរបស់អ្នកទាំងពីរ បានមករស់នៅជាមួយនឹងឪពុករបស់ខ្លួនផងដែរ ។

ដោយឡែក កាលពីពេលថ្មីៗនេះ តារាស្រី Yang Mi ហាក់ទទួលរងនូវការរិះគន់យ៉ាងខ្លាំង ដោយនៅក្នុងពីធិជប់លៀងថ្ងៃកំណើតកូនស្រីរបស់នាងផ្ទាល់ ដែលត្រូវបានរៀបចំឡើងតាមបែបសាមញ្ញ និងបានអញ្ជើញមិត្តជិតស្និទ្ធតែ ២ នាក់មកចូលរួមតែប៉ុណ្ណោះ តែនាងបែរជាមិនបានមកចូលរួម នៅក្នុងថ្ងៃដ៏សំខាន់មួយនេះ ទៅវិញ ហើយត្រូវបានមនុស្សជាច្រើនដឹងទៀតថា នៅពេលនោះដែរ នាងកំពុងតែចូលរួមក្នុងកម្មវិធីទូរទស្សន៍ ​ទៀតផង។

ម៉្យាងវិញទៀត ស្របពេលដែលអ្នកគាំទ្រជាច្រើនបាន ផ្ញើសារជូនពរដល់កូនស្រីរបស់​ Yang Mi នៅលើបណ្ដាញសង្គម Weibo តែនាង បែរជាគ្រាន់តែធ្វើការឃោសនា និងផ្សាយពាណិជ្ជកម្មនូវម៉ាកផលិតផល ដែលនាងធ្វើការតំណាងឲ្យតែប៉ុណ្ណោះ ហើយនេះក៏ជាហេតុមួយទៀត ដែលធ្វើឱ្យមនុស្សជាច្រើន ធ្វើការរិះគន់ កាន់តែខ្លាំង ទៅលើតារាស្រីរូបនេះ ដែលយកចិត្តទុកដាក់តែរឿងលុយកាក់ និងការងារ ប៉ុន្តែបែរជា មិនយកចិត្តទុកដាក់ចំពោះកូនរបស់ខ្លួន ៕

សូមទស្សនារូបភាពខាងក្រោម៖