ថៃ៖ តារាសម្ដែង និងចម្រៀង Bie Thassapak និងភរិយា Gubgib Sumonthip ដែលបានរៀបអាពាហ៍ពិពាហ៍ជាមួយគ្នាអស់រយៈពេលបួនឆ្នាំមកហើយនោះ ទើបនឹងទទួលបានចំណងដៃកូនស្រីទីពីរដ៏ស្រស់ស្អាតមួយរូបកាលពីពេលថ្មីៗនេះ។ ជាទូទៅ គ្រួសារដ៏កក់ក្ដៅមួយនេះ តែងតែបង្ហោះរូបភាពជាលក្ខណៈគ្រួសារនៅលើបណ្ដាញសង្គម ដើម្បីបង្អួតភាពផ្អែមល្ហែម និងសុភមង្គលទៅកាន់អ្នកគាំទ្រជានិច្ច ហើយស្ទើរគ្រប់រូបភាពទាំងអស់របស់ពួកគេ តែងទទួលបានការកោតសរសើរឥតល្ហែ ពីសំណាក់អ្នកលេងអ៊ិនធឺណែត ជាពិសេសហ្វេនៗរបស់ពួកគេផ្ទាល់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែកាលពីពេលថ្មីៗនេះ Bie និង Gubgib បាននាំកូនស្រីទីពីររបស់ខ្លួនទៅមន្ទីរពេទ្យដើម្បីពិនិត្យសុខភាព ហើយ Bie បានថតរូបអង្គុយ និងដាក់ឲ្យកូនស្រីតូចរបស់ខ្លួនអង្គុយលើតុ រួចបង្ហោះរូបភាពនោះនៅលើគណនី Instagram របស់ Gubgib។ គ្រាន់តែរូបនេះត្រូវបានបង្ហោះភ្លាម ស្រាប់តែទទួលបានការរិះគន់យ៉ាងដៃពីសំណាក់ហ្វេនៗ។ ក្នុងនោះ មានអ្នកគាំទ្រម្នាក់បានខមមិនសួរថា៖ "Bie កំពុងលេងតុក្កតាមែនហ្នឹង?" អ្នកខ្លះទៀតក៏បានខមមិនរិះគន់ថា Bie មិនត្រូវធ្វើបែបនេះឡើយ ព្រោះកូននៅតូចខ្លាំងណាស់ ការដាក់ឲ្យគ្នាអង្គុយបែបនេះ អាចធ្វើឲ្យប៉ះពាល់យ៉ាងខ្លាំងដល់ឆ្អឹង និងការលូតលាស់របស់ក្មេង ហើយការធ្វើបែបនេះ ក៏បង្ហាញពីការធ្វេសប្រហែសយ៉ាងខ្លាំងផងដែរ៕
សូមទស្សនារូបភាពខាងក្រោម៖
ប្រភព៖ TeeNee