បរទេស៖ នៅថ្ងៃអាទិត្យ ទី៣១ ខែឧសភា ម្សិលមិញនេះ មានមនុស្សរាប់រយនាក់បានប្រមូលផ្ដុំគ្នាធ្វើបាតុកម្មនៅក្នុងទីក្រុងឡុងដ៍ប្រទេសអង់គ្លេស និងទីក្រុងប៊ែរឡាំងប្រទេសអាល្លឺម៉ង់ ដើម្បីស្វែងរកយុត្ដិធម៌ចំពោះការស្លាប់របស់បុរសស្បែកខ្មៅ George Floyd

បាតុកម្មនេះ បានធ្វើឡើងនៅខាងក្រៅស្ថានទូតអាមេរិកប្រចាំទីក្រុងឡុងដ៍ និងទីក្រុងប៊ែរឡាំង។ ដោយនៅទីក្រុងឡុងដ៍គេសង្កេតឃើញថា ក្រុមបាតុករបានប្រមូលផ្ដុំគ្នានៅកណ្ដាលទីលាន Trafalgar ហើយស្រែកថា «គ្មានយុត្ដិធម៌ គ្មានសន្ដិភាព»។ រីឯនៅទីក្រុងប៊ែរឡាំងឯណោះវិញ ក្រុមបាតុកររាប់រយនាក់បានលើកបដាជាច្រើនផ្ទាំងដែលសរសេរថា «យុត្ដិធម៌សម្រាប់ George Floyd​​, បញ្ឈប់ការសម្លាប់ពួកយើង» និងប្រយោគជាច្រើនផ្សេងទៀតក្នុងន័យទាមទារយុត្ដិធម៌ជូនលោក George Floyd​​

គួររម្លឹកថា លោក George Floyd បានស្លាប់បាត់បង់ជីវិតកាលពីថ្ងៃចន្ទដើមសប្ដាហ៍មុន បន្ទាប់ពីប៉ូលិសផ្ទប់មុខលោកទៅនឹងដី ដោយប្រើជង្គង់សង្កត់ពីលើ.ក បើទោះបីពេលនោះលោកនិយាយថា លោកមិនអាចដកដង្ហើមបានក៏ដោយ។

យ៉ាងណាមិញ ឧប្បត្ដិហេតុនោះ បានបង្កការខឹងសម្បារយ៉ាងខ្លាំងពីសំណាក់ពលរដ្ឋអាមេរិកមួយចំនួនធំ​​​​​​​​​​​​​​​​​​ដោយនិយាយថា អំពើនោះបង្ហាញពីភាពលំអៀងនៃពូជសាសន៍។ កំហឹងទាំងនោះ បានជំរុញចិត្ដពលរដ្ឋអាមេរិកប្រមូលផ្ដុំគ្នាធ្វើបាតុកម្ម ហើយឈានដល់ការប្រព្រឹត្ដអំពើហិង្សា និងថែមទាំងប៉ះទង្គិចជាមួយក្រុមប៉ូលិសរក្សាសណ្ដាប់ធ្នាប់ទៀតផង៕

សូមទស្សនារូបភាពនៃក្រុមបាតុករនៅទីក្រុងឡុងដ៍ និងទីក្រុងប៊ែរឡាំង៖

ក្រុមបាតុករ
ក្រុមបាតុករ
ក្រុមបាតុករ
ក្រុមបាតុករ
ក្រុមបាតុករ
ក្រុមបាតុករ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ