ឥណ្ឌា៖​ កាលពីព្រឹកថ្ងៃសុក្រទី២៩ ខែឧសភាកន្លងទៅនេះ ហ្វូងស្វាមួយក្រុម បានវាយលុកចូលមហាវិទ្យាល័យវេជ្ជសាស្ត្រ Meerut ដែលជាមន្ទីរពិសោធន៍ ស្ថិតក្នុងទីក្រុង Delhi ហើយកញ្ឆក់យកសំណាកកូវីដ-១៩ចំនួន៣ ទៅទំពាលេងលើដើមឈើ។

លោក អ៊េមមី ហេក ប្រធានការិយាល័យ បានឲ្យដឹងថា កាលពីមុន ហ្វូងសត្វស្វាត្រូវបានគេរាយការណ៍ថា ពួកវាតែងតែបង្កឲ្យមានការរំខាននៅជុំវិញមហាវិទ្យាល័យវេជ្ជសាស្ត្រ តែលើកនេះគឺជាអ្វីដែលថ្មីមួយ និងមិនធ្លាប់មានពីមុនមក។

ទន្ទឹមនឹងនេះដែរ ប៉ូលិសម្នាក់បានបង្ហាញពីភាពភ័យព្រួយ ដោយនិយាយថា ប្រសិនបើសត្វស្វាទាំងនោះផ្លាស់ទីពីតំបន់មួយ ទៅកាន់តំបន់មួយផ្សេងទៀត ទាំងដែលមានឧបករណ៍កខ្វក់នៅជាមួយ វានឹងអាចបង្កឲ្យមានការឆ្លងរាលដាលនៃជំងឺកូវីដ-១៩បន្ថែមទៀតបាន។

យ៉ាងណាមិញ សំណាកជំងឺកូវីដ-១៩ទាំង៣ ត្រូវបានដណ្ដើមយកមកវិញ តែមិនមានការខូចខាតអ្វីទេ ហើយគេគិតថា វានឹងមិនមានហានិភ័យនៃការចម្លងជំងឺ ឬរាលដាលឡើយ។ បើទោះជាយ៉ាងណាក៏ដោយ មនុស្សទាំងបីនាក់នោះ ក៏ត្រូវបានគេធ្វើតេស្ដម្ដងទៀតផងដែរ៕

សូមទស្សនារូបភាពនិងវីដេអូខាងក្រោម៖

ស្វាមួយក្បាលកំពុងទំពាសំណាកកូវីដ-១៩នៅលើដើមឈើ
ស្វាមួយក្បាលកំពុងទំពាសំណាកកូវីដ-១៩នៅលើដើមឈើ
  មហាវិទ្យាល័យវេជ្ជសាស្ត្រ Meerut ដែលជាមន្ទីរពិសោធន៍  
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ