កូរ៉េខាងត្បូង៖ ក្រុមតារាចម្រៀងស្រី TWICE បានបំបែកកំណត់ត្រាថ្មីជាមួយនឹងអាល់ប៊ុមថ្មី MORE&MORE ដោយបានទទួលការកុម្ម៉ង់ទុកពីអ្នកគាំទ្រយ៉ាងច្រើន។ ក្នុងនាមជាក្រុមចម្រៀងស្រីដែលលក់អាល់ប៊ុមបានច្រើនជាងគេ ក្នុងចំនួនដល់ ទៅ ៤.៤លានអាល់ប៊ុម TWICE មិនត្រឹមតែបានទទួលនូវពានរង្វាន់ជាច្រើននោះទេ ប៉ុន្តែនៅបំបែកកំណត់ត្រាពីមុនរបស់ខ្លួនថែមទៀតផង។ អាល់ប៊ុមមុនរបស់ពួកគេ Feel Special បានបំបែកនូវកំណត់ត្រាចាស់របស់ពួកគេជាច្រើន ហើយនៅពេលនេះអាល់ប៊ុមថ្មីរបស់ពួកគេ ក៏កំពុងនឹងបង្កើតនូវកំណត់ត្រាថ្មីបន្ថែមទៀតផងដែរ។
ទោះជាក្រុមតារាចម្រៀងស្រីដ៏ល្បីល្បាញមួយនេះ នៅមិនទាន់អាចត្រឡប់មកជួបទស្សនិកជននៅក្នុងខែ មិថុនា ក៏ដោយ ប៉ុន្តែពួកគេនៅតែអាចបង្ហាញពីភាពល្បីល្បាញរបស់ខ្លួន តាមរយៈចំនួននៃការកុម្ម៉ង់ទិញនូវអាល់ប៊ូមថ្មីរបស់ លួនដដែល។ កាលពីថ្ងៃទី ២៧ ខែ ឧសភា នេះ TWICE បានបំបែកកំណត់ត្រាថ្មីរបស់ខ្លួន ដោយអាល់ប៊ុមថ្មីនេះត្រូវបានគេរាយការណ៍ថាត្រូវបានទទួលការកុម្ម៉ង់ទុកដល់ប្រាំសែនអាល់ប៊ុម នោះវាមានន័យថាពួកគេលក់អាល់ប៊ុមបានពាក់កណ្តាលមួយលានទៅហើយ មុននឹងអាល់ប៊ុមមជាផ្លូវការបានចេញ។
គួរបញ្ជាក់ផងដែរថា MORE&MORE នឹងត្រូវបានបញ្ចេញជាផ្លូវការនៅថ្ងៃទី ១ ខែ មិថុនា ម៉ោង៦ ល្ងាច (ម៉ោងនៅ ក្នុងប្រទេសកូរ៉េ) ដែលធ្វើឲ្យអ្នកគាំទ្រទន្ទឹងរង់ចាំមើលស្នាដៃថ្មីរបស់ពួកគេដោយចិត្តរំភើប៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ
