អាមេរិក៖ អ្នកដឹកនាំ Christopher Nolan ដែលគាត់ធ្លាប់ជាអ្នកដឹកនាំរឿង "The Dark Knight" និង "Interstellar" ដែលសុទ្ធសឹងតែជារឿងលំដាប់កំពូលទទួលបានការវាយតម្លៃខ្ពស់ៗនៅលើ IMDb ហើយឆាប់ៗនេះលោក Christopher Nolan នឹងត្រៀមចេញរឿងថ្មីមួយទៀតដែលមានចំណងជើងថា "Tenet" ដែលគ្រោងនឹងចាក់បញ្ចាំងនៅថ្ងៃទី ១៧ ខែ កក្កដា ឆ្នាំ ២០២០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Christopher Nolan គឺជាអ្នកដឹកនាំម្នាក់ដែលមានទេពកោសល្យខ្ពស់ក្នុងការដឹកនាំ ហើយត្រង់ឈុតណាដែលពិសេសនោះគឺលោកតែងតែយករបស់ពិតៗមកធ្វើទោះជាចំណាយប៉ុណ្ណាក៏ដោយ ដោយលោកគិតថាវាមានប្រសិទ្ធភាពជាងការកាត់ត ឬការប្រើ CGI ជំនួយ។
យ៉ាងណាមិញ ក្នុងរឿង "Tenet" ដែលត្រៀមចាក់បញ្ចាំងខាងមុខនេះ លោក Christopher Nolan បានប្រាប់ទស្សនាវដ្តី Total Film ថាលោកបានចំណាយលុយទិញយន្តហោះប្រភេទ Boeing 747 ពិតៗមកបំផ្ទុះនៅក្នុងរឿងនេះដោយវាមានប្រសិទ្ធភាពជាងប្រើប្រាស់ CGI។ លោកបាននិយាយថា៖
ខ្ញុំមានគម្រោងធ្វើវាខ្នាតតូច និងការធ្វើឆាកមួយជាឈុតដើម្បីរួមបញ្ចូលគ្នានឹងការកាត់តបន្ថែម។ ទោះយ៉ាងណានៅពេលកំពុងស្វែងរកទីតាំងក្នុងការថតនៅក្នុង ទីក្រុងវិចតូវីល រដ្ឋកាលីហ្វ័រញ៉ា ក្រុមថតបានរកឃើញយន្តហោះចាស់ៗជាច្រើន។ យើងក៏ចាប់ផ្តើមគណនា ហើយយើងគិតថាវាច្បាស់ថា វាពិតជាមានប្រសិទ្ធភាពប្រសិនបើទិញយន្ដហោះដែលមានទំហំពិតមកថតចៀសជាងកាត់ត៕
ទស្សនាវីដេអូ Trailer ដែលមានឈុតផ្ទុះយន្តហោះនៅខាងក្រោម៖
ប្រភព៖ IndieWire
Bong I.T