សហរដ្ឋអាមេរិក៖ ជំងឺកូវីដ-១៩ ហាក់នៅតែបន្ដរីករាលដាលពីមួយថ្ងៃទៅមួយថ្ងៃ ព្រមទាំងបានពង្រីកខ្លួនទៅកាន់បណ្ដាប្រទេស និងដែនដីចំនួន ២១៣ ទៀតផង។ ហើយបច្ចុប្បន្ននេះ វាបានចម្លងទៅមនុស្សជិត ៦លាននាក់ និងឆក់យកជិវិតមនុស្សជុំវិញពិភពលោកជាង ៣៥ម៉ឺននាក់ ដោយក្នុងនោះគេសង្កេតឃើញថា សហរដ្ឋអាមេរិកជាប្រទេសដែលកំពុងនាំមុខគេទាំងករណីឆ្លង និងស្លាប់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង បើយោងទៅតាមគេហទំព័រ Worldometer គិតត្រឹមម៉ោង ៤:០០នាទីរសៀល ថ្ងៃពុធ ទី២៧ ខែឧសភា ឆ្នាំ២០២០នេះ សហរដ្ឋអាមេរិកមានករណីឆ្លងសរុបកើនដល់ ១,៧២៥,២៧៨នាក់ ហើយក្នុងនោះ មនុស្សចំនួន ១០០,៥៧២នាក់បានស្លាប់ និងអ្នកជំងឺចំនួន ៤៧៩,៩៧៣នាក់បានជាសះស្បើយវិញ។
គួរឲ្យដឹងដែរថា វិបត្ដិជំងឺកូវីដ-១៩ បានជះឥទ្ធិពលយ៉ាងខ្លាំងដល់បណ្ដាប្រទេសជុំវិញពិភពលោក ជាពិសេសសហរដ្ឋអាមេរិកកំពុងជួបប្រទះនឹងវិបត្ដិសេដ្ឋកិច្ចជាទម្ងន់ ពោលគឺប្រជាជនប្រមាណជាង ៣៣លាននាក់កំពុងប្រឈមនឹងភាពគ្មានការងារធ្វើ នេះបើយោងតាមទីភ្នាក់ងារសារព័ត៌មាន CNN ៕
សូមទស្សនារូបភាពខាងក្រោម៖