ភ្នំពេញ៖ ក្រៅពីភាពល្បីល្បាញក្នុងវិស័យចម្រៀង កញ្ញា ទេព បូព្រឹក្ស នៅពេលនេះ ក៏កំពុងទទួលបានការគាំទ្រយ៉ាងខ្លាំងចំពោះការផលិតវីដេអូបែបញ៉ាំអាហារ បង្ហោះនៅលើយូធូប (Youtube) ផងដែរ។ ក្នុងនោះ វីដេអូញ៉ាំអាហារ ដែលកញ្ញា ទេព បូព្រឹក្ស បង្ហោះម្ដងៗ តែងតែមានចំនួនការទស្សនារហូតដល់ទៅរាប់ម៉ឺន រាប់សែនដង ដោយសារមុខម្ហូបដែលកញ្ញាយកមកញ៉ាំដើម្បីធ្វើវីដេអូរាល់ដង សុទ្ធសឹងតែជាអាហារទំនងៗ ហើយកញ្ញាក៏ពូកែខាងការបញ្ចូលភាពក្រមិចក្រមើម បែបកំប្លែងៗនៅពេលកំពុងញ៉ាំថែមទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្វីដែលកាន់តែពិសេសទៀតនោះ វីដេអូរបស់កញ្ញា ទេព បូព្រឹក្ស មានលក្ខណៈពិសេសប្លែកពីវីដេអូញ៉ាំអាហាររបស់ Youtuber ផ្សេងទៀត ត្រង់ថាកញ្ញាពូកែញ៉ាំម្ទេស ពោលគឺគ្រប់មុខម្ហូប គ្រប់អាហារទាំងអស់ កញ្ញាមិនដែលភ្លេចញ៉ាំជាមួយម្ទេសនោះឡើយ។ ជាទូទៅ វីដេអូរបស់កញ្ញា ទេព បូព្រឹក្ស តែងតែទទួលរងការកោតសរសើរពីសំណាក់អ្នកគាំទ្រមករហូត។
ប៉ុន្តែសម្រាប់វីដេអូញ៉ាំសាច់អាំង ដែលកញ្ញា ទេព បូព្រឹក្ស បានបង្ហោះនៅថ្ងៃទី២៧ ឧសភានេះ បែរជាទទួលរងនូវមតិរិះគន់ដើម្បីកែលម្អ ពីសំណាក់អ្នកទស្សនាមួយចំនួនតូច លើបញ្ហាមួយទៅវិញ។ ក្នុងនោះ អ្នកគាំទ្របានស្នើសុំកញ្ញា ទេព បូព្រឹក្ស កុំឲ្យបញ្ចេញសម្លេងទំពារម្ហូបឮៗពេក។ ហ្វេនមួយចំនួនថា ការស្នើសុំបែបនេះ គឹជារឿងសមហេតុផលមួយ ព្រោះសម្រាប់វីដេអូមួយនេះ វាហាក់បីដូចជាមានលក្ខណៈរំខានជាងវីដេអូមុនៗ ដោយសារតែកញ្ញាបានដាក់ឧបករណ៍ស្រូបសម្លេង (Mic) នៅនឹងកអាវ ជាហេតុធ្វើឲ្យឮសម្លេងទំពារខ្លាំងៗ ហើយអ្នកមួយចំនួនថា វាគឺពិតជារំខានដល់អារម្មណ៍អ្នកទស្សនា ដែលតែងតែតាមដានការញ៉ាំអាហាររបស់ ទេព បូព្រឹក្ស កន្លងមក៕
សូមទស្សនារូបភាពខាងក្រោម៖
Bong I.T