ថៃ៖ ដោយសារតែវិបត្តិកូវីដ១៩ ដំណើរការផលិតខ្សែភាពយន្តភាគថ្មីរបស់ស្ថានីយ៍ទូរទស្សន៍ថៃទាំងអស់ ត្រូវបានបញ្ឈប់សកម្មភាពរបស់ខ្លួនអស់មួយរយៈ ដើម្បីការពារសុវត្ថិភាពតារាសម្ដែង និងក្រុមការងារទាំងអស់ពីការឆ្លងរីករាលដាលនៃជម្ងឺកូវីដ១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែ បន្ទាប់ពីស្ថានភាពនៃជម្ងឺឆ្លងដ៏សាហាវមួយនេះ បានធូរស្រាលទៅវិញ ក្រសួងវប្បធម៌ថៃបានអនុញ្ញាតឲ្យស្ថានីយ៍ទូរទស្សន៍ទាំងអស់ អាចដំណើរការផលិតខ្សែភាពយន្តភាគរបស់ខ្លួនឡើងវិញបាន។
ជាក់ស្ដែង រឿងភាគថ្មី Dare to Love ដែលមានការចូលរួមសម្ដែងពីសំណាក់តារាស្រីជួរមុខ Bella Ranee និងតារាប្រុសវ័យក្មេងជំនាន់ក្រោយ Peak Kongthap ក៏បានត្រឡប់មកដំណើរការផលិតជាថ្មីឡើងវិញហើយ។ ប៉ុន្តែក្រុមការងារផលិតរឿងនេះ ត្រូវគោរពតាមគោលការណ៍ណែនាំមួយចំនួនរបស់អាជ្ញាធរដូចជា ត្រូវកំណត់ចំនួនមនុស្សក្នុងការថតម្ដងមិនឲ្យលើសពី៥០នាក់ និងត្រូវវាស់ស្ទង់កម្ដៅរបស់អ្នកដែលមានវត្តមាននៅក្នុងការថតជាប្រចាំ។ ការធ្វើបែបនេះ គឺដើម្បីការពារសុវត្ថិភាពតារាសម្ដែង និងក្រុមការងារផលិតខ្សែភាពយន្តភាគទាំងអស់។
គួរបញ្ជាក់ផងដែរ រឿង Dare to Love នេះ គឺជាខ្សែភាពយន្តភាគដែលនិយាយពីរឿងរ៉ាវស្នេហារបស់គូស្នេហ៍ខុសជំនាន់ ទើបតម្រូវឲ្យ Bella សម្ដែងជាមួយតារាប្រុសដែលមានវ័យក្មេងជាងខ្លួនបែបនេះ៕
សូមទស្សនារូបភាពខាងក្រោម៖
ប្រភព៖ TeeNee