ថៃ៖ ខ្សែភាពយន្តភាគថៃ រឿង Ok Keub Hak Ab Ruk Khun Samee ដែលមានការចូលរួមសម្ដែងពីសំណាក់តារាស្រីប្រុសជួរមុខប្រចាំស្ថានីយ៍ទូរទស្សន៍ថៃប៉ុស្តិ៍លេខ៣ Mew Nittha និង Mark Prin កំពុងទទួលបានការគាំទ្រយ៉ាងខ្លាំងពីសំណាក់ទស្សនិកជនសម្រាប់ពាក់កណ្ដាលឆ្នាំ ២០២០ នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្វីដែលជាចំណុចពិសេសសម្រាប់រឿងនេះ គឺចាប់តាំងពីភាគទី៨តទៅ សាច់រឿងគឺកើតឡើងក្នុងប្រទេសភូមា ទើបតម្រូវឲ្យតារាសម្ដែងទៅថតផ្ទាល់ដល់ប្រទេសមីយ៉ាន់ម៉ា ឬ ភូមា ហើយថែមទាំងត្រូវស្លៀកបំពាក់បែបអ្នកស្រុកភូមាទៀតផង។
ក្នុងនោះ អ្នកគាំទ្របានចាប់អារម្មណ៍យ៉ាងខ្លាំងចំពោះតួឯកស្រី Mew Nittha ក្នុងឈុតជានារីភូមា ដែលពិតជាបានរំលេចនូវសម្រស់ដ៏ស្រស់សោភា ហើយប្លែកភ្នែកជាងរឿងកន្លងមកដែលនាងធ្លាប់សម្ដែង។ មិនត្រឹមតែប៉ុណ្ណោះ Mew Nittha ក៏បានបញ្ចេញសំនៀងជាភាសាភូមាបន្តិចទៀតផង ជាហេតុធ្វើឲ្យហ្វេនៗកាន់តែលង់ស្រឡាញ់នឹងការតែងខ្លួនក្នុងឈុតសម្លៀកបំពាក់អ្នកស្រុកភូមារបស់ Mew Nittha ក្នុងរឿងភាគមួយនេះជាខ្លាំង។ ចំណែកឯឈុតឆាកបែបរ៉ូមេនទិកដែលនាងសម្ដែងជាមួយ Mark Prin ក៏ទទួលបានការគាំទ្រមិនធម្មតានោះដែរ៕
សូមទស្សនាវីដេអូ និងរូបភាពខាងក្រោម៖