វៀតណាម៖ មិនមានករណីថ្មីនៃជំងឺ COVID-១៩ ត្រូវបានគេរាយការណ៍នៅល្ងាចថ្ងៃព្រហស្បតិ៍នេះទេ ដូច្នេះវៀតណាមមិនមានករណីថ្មីណាមួយនៅក្នុងសហគមន៍អស់រយៈពេល ៣៥ ថ្ងៃកន្លងមកហើយ នេះបើយោងតាមរបាយការណ៍ចុងក្រោយរបស់ក្រសួងសុខាភិបាលប្រទេសវៀតណាម។

រហូតមកដល់ពេលនេះមានអ្នកជំងឺសរុបចំនួន ១៨៤ នាក់ដែលមកពីក្រៅប្រទេសក្នុងចំណោមចំនួនសរុបនៅទូទាំងប្រទេស ៣២៤ ករណីត្រូវបានដាក់ឲ្យនៅដាច់ដោយឡែកបន្ទាប់ពីបានចូលមកដល់ប្រទេសនេះ។ ករណីសរុបចំនួន ២៦៦ បានជាសះស្បើយឡើងវិញហើយដែលស្មើនឹង ៨២ ភាគរយ ខណៈករណីចំនួន ៥៨ ទៀតកំពុងត្រូវបានព្យាបាលនៅតាមមន្ទីរពេទ្យផ្សេងៗគ្នានៅទូទាំងប្រទេស។

តាមរបាយការណ៍របស់ Viet Nam News

មនុស្ស ៤ នាក់បានធ្វើតេស្តអវិជ្ជមានចំពោះវីរុសកូរ៉ូណាបន្ទាប់ពីការព្យាបាល ខណៈ ៤ នាក់ទៀតបានធ្វើតេស្តអវិជ្ជមានចំពោះវីរុសនេះ ២ ដងផងដែរ។ យ៉ាងណាក្ដីមនុស្សជិត ១៣,០០០ នាក់ស្ថិតនៅក្រោមការដាក់ឱ្យនៅដាច់ដោយឡែកនៅមន្ទីរពេទ្យ និងនៅផ្ទះ។ ហើយរហូតមកដល់ពេលនេះ មិនទាន់មានរបាយការណ៍ពីអ្នកស្លាប់នៅក្នុងប្រទេសនៅឡើយទេ។

ដំណឹងល្អដាច់ដោយឡែកមួយទៀតនោះគឺ ប្រជាជនវៀតណាមជិត ២៤០ នាក់ដែលជាប់គាំងនៅក្នុង ប្រទេសមីយ៉ាន់ម៉ាបានវិលត្រឡប់ទៅប្រទេសវៀតណាមវិញនៅថ្ងៃព្រហស្បតិ៍នេះតាមជើងហោះហើរ ដែលបានរៀបចំយ៉ាងពិសេស។

គម្លាតសង្គមនៃពលរដ្ឋវៀតណាមខណៈ Covid-១៩ កំពុងរាត្បាត

អ្នកដំណើរទាំងអស់ត្រូវបានផ្តល់ការត្រួតពិនិត្យសុខភាព ហើយត្រូវបានដាក់ឱ្យនៅដាច់ដោយឡែកពីគ្នាបន្ទាប់ពីការហោះហើរបានចុះចតនៅអាកាសយានដ្ឋានអន្តរជាតិ Đà Nẵng នៅទីក្រុង Đà Nẵng។ នៅលើយន្តហោះមកពីប្រទេសមីយ៉ាន់ម៉ាក៏មានដូនជីនៃព្រះពុទ្ធសាសនា និងព្រះសង្ឃ ស្ត្រីមានផ្ទៃពោះ កុមារ និងនិស្សិតមកពីទូទាំងប្រទេសមីយ៉ាន់ម៉ា។

ការធ្វើមាតុភូមិនិវត្តន៍ត្រូវបានរៀបចំឡើងដោយអាជ្ញាធរនៅវៀតណាមក៏ដូចជាស្ថានទូតវៀតណាមប្រចាំនៅប្រទេសមីយ៉ាន់ម៉ា និងក្រុមហ៊ុនអាកាសចរណ៍ជាតិវៀតណាមអ៊ែរឡាញ។

អាជ្ញាធរនិងក្រុមហ៊ុនអាកាសចរណ៍វៀតណាមនឹងបន្តបញ្ជូនជើងហោះហើរពាណិជ្ជកម្មដើម្បីនាំយកពលរដ្ឋវៀតណាមដទៃទៀតត្រឡប់ទៅប្រទេសវិញតាមការណែនាំរបស់នាយករដ្ឋមន្រ្តី និងផ្អែកលើបំណងប្រាថ្នារបស់ពលរដ្ឋ ក៏ដូចជាសមត្ថភាពនៃការផ្ដល់ទីតាំងក្នុងការដាក់អ្នកទាំងនោះនៅដាច់ដោយឡែកនៅតាមតំបន់នានាក្នុងប្រទេស និងការវិវត្តនៃជំងឺរាតត្បាត COVID-១៩៕

រូបតំណាង

ប្រភព៖ Viet Nam News

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ