វៀតណាម៖ យោងតាមរបាយការណ៍របស់ក្រុមហ៊ុន Apple បានអោយដឹងថាក្រុមហ៊ុន Apple គ្រោងនឹងផលិត​នូវ​កាសស្តាប់ត្រចៀក(មានពាក្យចចាមអារ៉ាម) នៅក្នុងប្រទេសវៀតណាម។ ជាការកត់សម្គាល់ ក្រុមហ៊ុន​បច្ចេកវិទ្យា​យក្សនេះកំពុងធ្វើពិពិធកម្មមូលដ្ឋានផលិតកម្មរបស់ខ្លួននៅចំពោះមុខ ភាពតានតឹងរវាងសហរដ្ឋអាមេរិក និងប្រទេស​ចិន​ក្នុងកំឡុងពេលមានជម្ងឺរាតត្បាត COVID-១៩។

ក្រុមហ៊ុនប្រព័ន្ធផ្សព្វផ្សាយឌីជីថលអាមេរិកបាននិយាយថា៖ “ការផ្លាស់ប្តូរនេះគឺជាលើកទីមួយហើយដែលក្រុមហ៊ុន Apple បានប្រើរោងចក្រនៅវៀតណាមដើម្បីធ្វើផលិតផលថ្មីទាំងស្រុងជំនួសឱ្យការពឹងផ្អែកលើពួកគេដើម្បី បំពេញ​បន្ថែមការផលិតម៉ូដែលចាស់ដែលផលិតរួចហើយនៅក្នុងប្រទេសចិន” ។

រូបតំណាង

កិច្ចសន្យាជាមួយរោងចក្រចិនចំនួនពីរគឺ Goertek និង Luxshare ត្រូវបានគេរំពឹងថានឹងប្រមូលផ្ដុំផលិតផល ទាំងនៅក្នុងប្រទេសចិន និងវៀតណាម។  យ៉ាងណា ក្រុមហ៊ុន Apple វៀតណាមបានបដិសេធ​មិនធ្វើអត្ថាធិប្បាយ​ទេ។

កាសថ្មីដែលលេចលឺពាក្យចចាមអារាមថា AirPods Studio នឹងខុសពីកាស Beats ដែលមានស្រាប់ជាមួយនឹង មុខងារថ្មីៗជាច្រើន។ កាសថ្មីនឹងមានការផ្តោតអារម្មណ៍កាន់តែខ្លាំងទៅលើបច្ចេកវិទ្យាគ្រប់គ្រងការប៉ះជាមួយនឹង បណ្តាញម៉ាញេទិកដែលអាចផ្លាស់ប្តូរបាន។ វាក៏មានការលេចលឺព័ត៌មានថាក្រុមហ៊ុននឹងបញ្ចេញផលិតផលថ្មី(នា រដូវស្លឹកឈើជ្រុះ) ជាមួយនឹងតម្លៃលក់រាយ ៣៤៩ ដុល្លារ។

រូបតំណាង

កាលពីដើមខែនេះសារព័ត៌មាន Nikkei Asian Review បានរាយការណ៍ថាក្រុមហ៊ុន Apple នឹងផ្លាស់ប្តូរការ​ផលិតប្រមាណ ៣០ ភាគរយនៃផលិតកម្ម AirPods ម៉ូដែលមុន ២ របស់ខ្លួនដែលប្រហែលជា ៣ ទៅ ៤ លាន​គ្រឿង​ទៅអោយប្រទេសវៀតណាមពីប្រទេសចិននៅត្រីមាសនេះ៕

រូបតំណាង

ប្រភព៖ Việt Nam News

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ