ភ្នំពេញ៖ តារាសម្ដែងស្រីដែលកំពុងមានឈ្មោះបោះសម្លេងខ្លាំងក្នុងវិស័យសិល្បៈខ្មែរ កញ្ញា ដួង ម៉ានិច ឬគេនិយមហៅថា ម៉ាក់និច នៅរយៈពេលប៉ុន្មានឆ្នាំចុងក្រោយនេះ ត្រូវបានគេកត់សម្គាល់ឃើញថា កញ្ញាបានទទួលឱកាសសម្ដែងខ្សែភាពយន្តភាគល្បីៗជាច្រើន ព្រមជាមួយនឹងតួអង្គដែលមានចរិតលក្ខណៈខុសៗគ្នារហូតពីមួយរឿងទៅមួយរឿង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះ ខ្សែភាពយន្តភាគរឿង កូនប្រសារអ្នកមាន ដែលកញ្ញាសម្ដែងជាតួអង្គម្ដាយ ដែលមានចរិត កាចឆ្នាស់ លោភលន់ និងកំពុងចាក់បញ្ចាំងនៅលើកញ្ចក់ទូរទស្សន៍ហង្សមាស HDTV នេះ ក៏កំពុងទទួលបាននូវការគាំទ្រយ៉ាងច្រើនលើសលប់ផងដែរ។ ប៉ុន្តែអ្វីដែលកាន់តែពិសេសទៀតនោះ ពេលនេះម៉ាក់និច បានលេចមុខក្នុងខ្សែភាពយន្តភាគថ្មីមួយទៀត របស់ស្ថានីយ៍ទូរទស្សន៍ភីភីអិន PNN ដែលមានចំណងជើងថា ឥទ្ធិពលស្នេហ៍ក្នុងភ្លើងបណ្ដាសារ។
សម្រាប់រឿងនេះ ម៉ាក់និច នឹងចេញមកក្នុងលក្ខណៈបន្លាចកូនៗយ៉ាងចាស់ដៃតែម្ដង ដោយកញ្ញាត្រូវសម្ដែងជាតួអង្គខ្មោច ឈ្មោះនាងកុល។ កញ្ញា ដួង ម៉ានិច ក៏បង្ហោះរូបភាពដែលកញ្ញាតែងខ្លួនជាខ្មោចក្នុងរឿងនេះនៅលើគណនី Instagram ផងដែរ ជាហេតុធ្វើឲ្យអ្នកគាំទ្រអន្ទះសារជាខ្លាំង និងចង់តាម ដានទស្សនារឿងភាគមួយនេះក្នុងពេលឆាប់ៗ៕
សូមទស្សនារូបភាពខាងក្រោម៖