ភ្នំពេញ៖ បើទោះបីជាក្នុងពេលបច្ចុប្បន្ននេះ តារាសម្ដែង និង តារាចម្រៀង ទាំងស្រីប្រុស ក្នុងប្រទេសកម្ពុជាយើង ជាច្រើនដួងកំពុងតែជួបវិបត្តិ ជាមួយនឹងការបាត់ប្រាក់ចំណូលរបស់ខ្លួន ដោយសារបញ្ហា កូវីដ១៩ ក៏ពិតមែន ប៉ុន្ដែពួកគេមិនបានចាក់ឆ្ងាយពីសំណាក់ហ្វេនៗរបស់ខ្លួនឡើយនៅលើបណ្ដាញសង្គមនានា។

ដោយឡែកក្នុងនោះផងដែរ តារាសម្ដែងស្រី និងជាពិធីការិនីសម្ដីចាក់ទឹកមិនលេច ដ៏មានប្រជាប្រិយភាពអ្នកនាង គង់ ចាន់ស្រីមុំ កាន់តែធ្វើឲ្យទស្សនិកជនមិនតិចនោះទេ ចាប់អារម្មណ៍ទៅលើខ្លួនរឹតតែខ្លាំងឡើង មិនថាជាការងារសិល្បៈ ឬ ជីវិតហ៊ឺហារបែបឯកជនរបស់នាង និងស្វាមីនោះទេ ទទួលការចាប់អារម្មណ៍ស្ទើរតែគ្រប់សកម្មភាពទាំងអស់នាពេលកន្លងមក ។

ជាមួយគ្នានេះផងដែរ តារាពហុជំនាញស្រីរូបនេះ ត្រូវបានមហាជនយ៉ាងច្រើនលាន់មាត់សរសើរ នឹងច្រណែនពីជីវិតដ៏មានសុភមង្គលរបស់នាង ខណៈពេលដែលតារាស្រីរូបនេះ កំពុងតែរីកចម្រើនក្នុងការងារសិល្បៈ ព្រមទាំងមុខជំនួញរបស់ខ្លួនផងនោះ ធ្វើឲ្យបណ្ដាហ្វេនៗរកពាក្យនិយាយសរសើរសឹងមិនបាន៕

គង់ ចាន់ស្រីមុំ
គង់ ចាន់ស្រីមុំ

ជាក់ស្ដែង បើយើងងាកទៅមើលរូបភាពដែលអ្នកនាង គង់ ចាន់ស្រីមុំ និង លោក គឹម សីហា ដែលតែងតែបង្ហោះនៅលើគណនីហ្វេសប៊ុកផ្លូវការរបស់ខ្លួនរហូតមកនោះ អាចបញ្ចក់បានថា អ្នកម្ដាយ ហាយសូរ រួបនេះកំពុងតែរស់នៅជាមួយនឹងជីវិតដែលស្រីៗគ្រប់គ្នាតែងប្រាថ្នា។
 ក្នុងនោះរួមមាន៖ រូបរាងនិងសម្រស់ ការងារល្អ ដំណើរកម្សាន្ដក្នុងនឹង ក្រៅប្រទេស មុខជំនួញផ្ទាល់ខ្លួន របស់ប្រើប្រាស់របស់ល្អៗ រថយន្ដទំនើបៗ ផ្ទះជាច្រើនកន្លែង ព្រមទាំងមានប្ដីល្អ និងកូនស្រីគួរឲ្យស្រលាញ់ថែមទៀតផង ទាំងអស់នេះហើយធ្វើឲ្យ គង់ ចាន់ស្រីមុំ ញញឹមបិទមាត់មិនជិតនោះទេ ។
 គួររម្លឹកផងដែរថា កាលពីម្សិលមិញនេះអ្នកនាង គង់ ចាន់ស្រីមុំ ក៏បានបង្ហាញរថយន្តស៊េរីទំនើបថ្មីមួយទៀតនោះគឺ Toyata Granvai ឆ្នាំ២០២០ នៅបណ្ដាញសង្គមរបស់ខ្លួន ធ្វើឲ្យមានការភ្ញាក់ផ្អើលខ្លាំងមែនទែន៕  

គង់ ចាន់ស្រីមុំ និងគ្រួសារ
គង់ ចាន់ស្រីមុំ និងគ្រួសារ
គង់ ចាន់ស្រីមុំ និងកូនស្រី
គង់ ចាន់ស្រីមុំ និងគ្រួសារ
គង់ ចាន់ស្រីមុំ និងគ្រួសារ
គង់ ចាន់ស្រីមុំ និងគ្រួសារ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ

គឹម សីហា