មីយ៉ាន់ម៉ា៖ ប្លុក D និង ប្លុក E នៃផ្សារ Theingyi ក្នុងសង្កាត់ Latha ដែលហាងលក់ប្លាស្ទិក និងគ្រឿងដែកបានបើកដំណើរការរួចហើយនៅថ្ងៃទី ៤ ខែឧសភា។ លោក U Tun Aye អ្នកគ្រប់គ្រងប្លុក E នៃផ្សារបាននិយាយថា៖ “ ហាងត្រូវបានបើកឡើងវិញ ហើយថ្នាំសម្លាប់មេរោគត្រូវបានគេបាញ់ថ្នាំនៅតាមដងផ្លូវ និងក្នុងផ្សារម្តងក្នុងមួយសប្តាហ៍ក្នុងម៉ោងបិទទ្វារ” ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកបន្ថែមថា រហូតមកដល់ពេលនេះមិនទាន់មានករណីដែលបានបញ្ជាក់អោយដឹងអំពីជម្ងឺកូវីដ-១៩ ថ្មីនៅក្នុងសង្កាត់ Latha ទេ។ ទោះយ៉ាងណាប្លុក A, B និង C នៃផ្សារ Theingyi នៅសង្កាត់ Pabedan ដែលជាកន្លែងដែលករណីជម្ងឺកូវីដ-១៩ ត្រូវបានរកឃើញនោះបច្ចុប្បន្នកំពុងស្ថិតនៅក្រោមការត្រួតពិនិត្យ និងចាក់សោពាក់កណ្ដាល។
លោក U Than Naing Oo សមាជិកសភាលេខរៀងទី ១ មកពីតំបន់ Pabedan បាននិយាយថា ហាងនៅក្នុងតំបន់នេះនឹងត្រូវបានអនុញ្ញាតឱ្យបើកឡើងវិញនៅថ្ងៃទី ១៦ ខែឧសភា។ លោក U Than Naing Oo បានបន្តថា៖ “ ដោយសារការចាក់សោពាក់កណ្តាលនៅតែមានប្រសិទ្ធិភាពនៅក្នុងក្រុងយើងមិនអនុញ្ញាត ឱ្យបើកទីផ្សារដែលមានមនុស្សច្រើនទេ។ ទោះបីជាមិនមានការណែនាំដើម្បីបិទផ្សារ Bogyoke ក៏ដោយ ក៏មានម្ចាស់ហាងជាច្រើនបានបិទទ្វារហាងរបស់ពួកគេរួចទៅហើយដោយសារតែចំនួនអតិថិជនកំពុងធ្លាក់ចុះ។ ប៉ុន្តែឥឡូវនេះយើងឃើញថាមានហាងខ្លះបានបើកឡើងវិញហើយ” ។
នៅសង្កាត់ Mingalar Taung Nyunt ផ្សារ Yuzana Plaza, ផ្សារ Mingalar, ផ្សារ Shwe Mingalar, ផ្សារ Shwe Pyae Sone និងផ្សារ Mingalarmon ត្រូវបានបិទតាំងពីខែមីនា។ យោងតាមសេចក្តីណែនាំ របស់រដ្ឋាភិបាលបានឱ្យដឹងថា ផ្សារទាំងនេះនឹងត្រូវបើកដំណើរការឡើងវិញបន្ទាប់ពីថ្ងៃទី ១៥ ខែឧសភា។
ដោយសារតែករណីវិជ្ជមាននៃជម្ងឺកូវីដ-១៩ ត្រូវបានគេរកឃើញនៅតាមទីប្រជុំជននានាក្នុងទីក្រុង Yangon រដ្ឋាភិបាលទីក្រុង Yangon បានសម្រេចចាក់សោរតំបន់ចំនួន ៧ រួមមាន៖ តំបន់ South Okkalapa, តំបន់ Pabedan, តំបន់ Bahan, តំបន់ Mayangone, តំបន់ Insein, តំបន់ Shwe Pyi Thar និង តំបន់ Hlaing Tharyar ចាប់តាំងពីថ្ងៃទី ១៨ ខែមេសា។ ហើយក៏មាន ៣ សង្កាត់ទៀតដែលបានចាក់សោពាក់កណ្តាលដូចជា៖ សង្កាត់ Botahtaung, សង្កាត់ Tamwe និងសង្កាត់ Mingaladon ។
រដ្ឋាភិបាលក៏បានសម្រេចចិត្តបន្ធូរបន្ថយលក្ខខណ្ឌបម្រាមគោចរនៅខាងក្នុងទីក្រុង Yangon ដែលធ្វើអោយទីក្រុងនេះកាន់តែមានភាពរស់រវើកជាងមួយសប្តាហ៍កន្លងមកនេះ ទោះបីជាករណីថ្មីត្រូវបានរកឃើញនៅទូទាំងទីក្រុង Yangon ក៏ដោយ។
ប្រភព៖ The Myanmar Times