ខានស្ដាប់ Idol ច្រៀងយូរហើយ! មាស សុខសោភា ចេញបទថ្មី ទាក់ទងនឹងបុណ្យពិសាខបូជា ពិតជាពីរោះ (មានវីដេអូ)

ភ្នំពេញ៖ ដូចដែលយើងបានដឹងហើយថា តារាចម្រៀង មាស សុខសោភា ដែលជាតារាចម្រៀងស្រីមួយរូប ដែលបានដកជាប់ក្នុងក្រអៅបេះដូងប្រិយមិត្តជាច្រើន តាមរយៈបទចម្រៀងពីរោះៗ ល្បីរបស់នាង នាពេលជាច្រើនឆ្នាំកន្លងមក ដោយតារារូបនេះ តែងតែអាចបកស្រាយបានគ្រប់ប្រភេទចម្រៀង មិនថា ញាក់ មនោសញ្ចេតនាសម័យ បុរាណ ពិសេសគឺប្រពៃណីតែម្ដង។

ជាក់ស្ដែង ថ្មីៗនេះ តារាស្រីសាច់ចាំរូបនេះ បានបញ្ចេញបទចម្រៀងថ្មីរបស់ខ្លួនជាថ្មី បន្ទាប់ពីស្ងាត់អស់មួយរយៈមកនេះ ដែលបទចម្រៀងនោះ មានចំណងជើងថា «ពិសាខបូជា» ដែលបទនេះមានភ្លេងបែប ចង្វាក់ក្បាច់ខ្មែរ ពិតជាពីរោះ ពិសេសអត្ថន័យគឺ ចង់រំឮកដល់ពុទ្ធសានិកទាំងអស់ ឲ្យបានដឹង និងចងចាំដល់ថ្ងៃ ទី ១៥កើត ខែ ពិសាខ ដែលជាថ្ងៃនៃ ព្រះពុទ្ធទ្រង់ទទួលបរិនិពា្វន ក្នុងព្រះជន្មាយុ ៨០ ព្រះវស្សាផងដែរ។

តាមរយៈបទចម្រៀងដ៏មានអត្ថន័យមួយនេះ មានទស្សនិកជន ពិសេសហ្វេនៗ ជាច្រើន បាននាំគ្នា សរសើរអំពី ទេពកោសល្យសម្លេង របស់តារាស្រីរូបនេះ ជាច្រើនហូរហែរថែមទៀតផង៕

បើចង់ជ្រាបច្បាស់ទស្សនាវីដេអូខាងក្រោម៖