ថៃ៖ តារាសម្ដែង និងចម្រៀងកូនកាត់ថៃ-តៃវ៉ាន់ លោក Bie Thassapak ដែលអ្នកគាំទ្ររបស់លោកច្បាស់ជាបានដឹងហើយថា តារាប្រុសសង្ហារូបនេះមិនមែននៅលីវទៀតនោះឡើយ ពោលគឺលោកជាស្វាមីរបស់តារាសម្ដែង Gubgib Sumonthip ព្រមទាំងជាឪពុករបស់កូនស្រី និងកូនម្នាក់ទៀតនៅក្នុងពោះទៀតផង។ ជារឿយៗ លោកតែងតែបង្ហោះរូបភាព និងវីដេអូជាលក្ខណៈគ្រួសារនៅលើគណនី Instagram ផ្ទាល់ខ្លួន ដែលនេះសរបង្ហាញឲ្យឃើញថា លោកពិតជាមានក្តីស្រឡាញ់ធំធេងចំពោះគ្រួសាររបស់លោកជាខ្លាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្វីដែលគួរឲ្យចាប់អារម្មណ៍ កាលពីពេលថ្មីៗនេះ លោកបានបង្ហោះរូបភាពមួយ ដែលជារូបរបស់ជាងកាត់សក់ កំពុងធ្វើការកាត់សក់ឲ្យកូនស្រីរបស់លោក ហើយលោកឈរមើល និងថតនៅពីក្រោយ។ ប៉ុន្តែរូបមួយនេះ មិនបានធ្វើឲ្យអ្នកគាំទ្រចាប់អារម្មណ៍ទៅលើកូនស្រីរបស់លោកឡើយ ប៉ុន្តែពួកគេបែរជានាំគ្នាចាប់អារម្មណ៍ទៅលើរូបរាងដ៏សង្ហារបស់លោក ដែលកំពុងឈរថតដោះអាវ បង្អួតថាលោកមានស៊ិចផេកនោះទៅវិញ។
ក្នុងនោះមិត្តរួមសិល្បៈ និងហ្វេនៗជាច្រើនបានចូលទៅខមមិនសរសើរលោកព្រោងព្រាត ដោយអ្នកខ្លះបានសរសេរដាក់ថា៖ "Hot Daddy" ក៏មាន។ សូម្បីតែភរិយារបស់លោក គឺអ្នកនាង Gubgib Sumonthip ក៏ទ្រាំមិនបាន និងបានចូលទៅខមមិនដាក់ស្វាមីរបស់ខ្លួនថា៖ "នេះចង់ផ្សាយលក់អ្វីហ្នឹង? អត់យល់សោះម៉ង!"៕
សូមទស្សនារូបភាពខាងក្រោម៖