ភ្នំពេញ៖ តារាពហុជំនាញ រ៉ូលីន ដែលប្រិយមិត្តភាគច្រើនធ្លាប់បានស្គាល់ច្បាស់តាមរយៈសមត្ថភាពពិសេស ដែលតារារូបនេះអាចសម្ដែង និងបញ្ចេញសំនៀងជាមនុស្សប្រុសផង និងស្រីផង។ ប៉ុន្តែដោយសារការនិយម រ៉ូលីន តែងតែបង្ហាញមុខនៅក្នុងកម្មវិធីនានា ការសម្ដែងឃ្លីបវីដេអូកំប្លែង និងការច្រៀងជាមនុស្សស្រីរហូត។ ចំពោះអ្នកគាំទ្ររបស់រ៉ូលីន តែងតែដឹងស្រាប់ហើយថា ទីណាមានរ៉ូលីន ទីនោះតែងតែមានសំណើច និងភាពកំប្លុកកំប្លែងជាប់ជានិច្ច។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែឥឡូវនេះ ដើម្បីកុំឲ្យអ្នកគាំទ្រភ្លេចនូវសមត្ថភាពរបស់លោក ជាបែបមនុស្សប្រុស រ៉ូលីន បានបង្ហោះវីដេអូចម្រៀងមួយនៅលើគណនី Instagram ដែលលោកច្រៀងបទមនុស្សប្រុស ដោយភ្ជាប់ មកជាមួយនឹងចំណងជើងថា៖"អរុណសួស្ដី ពុកម៉ែបងប្អូនធ្លាប់តែឮខ្ញុំច្រៀងស្រី ឥឡូវច្រៀងប្រុសវិញម្ដង"។
នៅពេលដែលវីដេអូមួយនេះ ត្រូវបានបង្ហោះនៅលើ Instagram អ្នកគាំទ្រជាច្រើនបានចូលទៅខមមិនសរសើរថា រ៉ូលីន ពិតជាមានសមត្ថភាព និងទេពកោសល្យខ្លាំង ហើយអាចបត់បែនបានគ្រប់ទម្រង់ មែន។ ប៉ុន្តែទន្ទឹមនឹងនេះ ក៏មានអ្នកចូលខមមិនឌឺដងបែបកំប្លែងដាក់តារាពហុជំនាញរូបនេះថា៖ "ទោះយ៉ាងណាក៏នៅតែជាស្រី" និងម្នាក់ទៀតបានចូលខមមិនយ៉ាងគួរឲ្យអស់សំណើចថា៖"នៅពេលដែលលោក ណុប បាយ៉ារិទ្ធិ+ លោក រិន សាវ៉េត = ម៉ែរ៉ូលីន" រហូតដល់ រ៉ូលីន ទ្រាំមិនបានក៏តបទៅវិញថា៖ Hahaha បូកអីក៏បូកម៉េះកូន!"៕
សូមទស្សនាវីដេអូខាងក្រោម៖