ភ្នំពេញ៖ តារាសម្ដែងស្រីរូបស្រស់សោភាដ៏ល្បីឈ្មោះ ប្រចាំស្ថានីយ៍ទូរទស្សន៍ប៉ុស្តិ៍ PNN កញ្ញា ស៊ីន យូប៊ីន ក្នុងមួយរយៈពេលចុងក្រោយនេះ កំពុងទទួលបានការចាប់អារម្មណ៍យ៉ាងខ្លាំងពីសំណាក់អ្នកគាំទ្រ តាមរយៈការបង្ហោះវីដេអូបង្រៀនធ្វើម្ហូបប្លែកៗ ជាពិសេសគឺបង្អែម នៅលើគណនីហ្វេសប៊ុក និង Instagram។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសម្រាប់វីដេអូចុងក្រោយបង្អស់ តួឯកស្រីក្នុងរឿង បំណុលម្ដាយ រូបនេះ បានបង្ហាញនៃការធ្វើនំខេក រសជាតិស្ត្របឺរី ជាលក្ខណៈគ្រួសារ។ បើតាមមើលទៅក្នុងវីដេអូនោះ កញ្ញា យូប៊ីន ពិតជាមានជំនាញក្នុងការធ្វើនំប្រភេទនេះជាខ្លាំង និងធ្វើឲ្យនំចេញមកគួរឲ្យទំនងញ៉ាំជាខ្លាំង។
មិនត្រឹមតែប៉ុណ្ណោះ មានអ្នកគាំទ្រជាច្រើនបានចូលទៅខមមិនកោតសរសើរស្នាដៃដ៏ប៉ិនប្រសប់របស់កញ្ញា និងសម្ដែងការពេញចិត្តគ្រប់ៗគ្នា។ ប៉ុន្តែមានខមមិនចំនួនពីរ ដែលបានសម្ដែងការទាស់ចិត្តបន្តិចបន្តួចចំពោះវីដេអូនៃការធ្វើនំខេករបស់កញ្ញា ដោយក្នុងនោះ ខមមិនទី១ បានដាក់ថា៖ "ថតញរ័ក្បាលទាំងអ្នកមើលទៀតការធ្វើនំល្អតែថតញរ័ទទ្រើក" និងខមមិនមួយទៀតបានសរសេរដាក់ថា៖ " អត់សសេរអក្សរខ្មែរមិចបានដឹងថាធ្វេីអី"។
បន្ទាប់ពីមានការលើកឡើងជាមតិបែបនេះ គេមិនទាន់ឃើញសាមីខ្លួន កញ្ញា ស៊ីន យូប៊ីន ចេញមកឆ្លើយតបអ្វីនោះឡើយ៕
សូមទស្សនារូបភាពខាងក្រោម៖