Kao Suphassara ស្រក់ទឹកភ្នែកដោយសារមិត្តភក្តិធ្វើរឿងបែបនេះដាក់ខ្លួន (មានវីដេអូ)

ថៃ៖ តារាសម្ដែងពន្លកថ្មីប្រចាំស្ថានីយ៍ទូរទស្សន៍ថៃប៉ុស្តិ៍លេខ៣ Kao Suphassara ដែលកំពុងទទួលការគាំទ្រជាបន្តបន្ទាប់តាមរយៈការសម្ដែងរឿងភាគថ្មីៗជាច្រើន បានសម្រក់ទឹកភ្នែកដោយសេចក្តីរំភើបចិត្តជាខ្លាំង ព្រោះក្រុមមិត្តភក្តិជិតស្និទ្ធិរបស់ខ្លួនបាននាំគ្នាធ្វើរឿងដ៏មានន័យមួយ ដែល Kao Suphassara មិនអាចនឹងបំភ្លេចបានឡើយ។

គួរបញ្ជាក់ផងដែរថា កាលពីថ្ងៃទី២៩ ខែមេសានេះ គឺជាថ្ងៃខួបកំណើតគម្រប់វ័យ២៥ឆ្នាំរបស់តារាសម្ដែងដ៏ស្រស់សោភារូបនេះ។ ដោយហេតុនេះហើយ ទើបក្រុមមិត្តភក្តិជិតស្និទ្ធិរបស់នាង ដែលនាំមុខដោយតារាស្រីរួមទ្រនំប៉ុស្តិ៍លេខ៣ Diana Flipo បានរៀបចំធ្វើខួបកំណើតយ៉ាង Surprise ដោយមិនឲ្យ Kao បានដឹងជាមុនឡើយ។ Diana បានលើកឡើងនៅក្នុងគណនី Instagram របស់ខ្លួនថា ការ Surprise មួយនេះអាចចាត់ទុកថាទទួលបានជោគជ័យ ព្រោះវាបានធ្វើឲ្យម្ចាស់ខួបស្រក់ទឹកភ្នែកដោយមិនដឹងខ្លួន។

ចំណែកឯសាមីខ្លួនជាម្ចាស់ខួបកំណើត Kao Suphassara ក៏បានបង្ហាញអារម្មណ៍រីករាយ និងអរគុណទៅដល់មិត្តភក្តិជិតស្និទ្ធិរបស់ខ្លួនយ៉ាងខ្លាំងជាទីបំផុត ដែលបានធ្វើឲ្យថ្ងៃខួបកំណើតរបស់នាងនៅវ័យ២៥ឆ្នាំនេះកាន់តែមានន័យ និងមិនអាចបំភ្លេចបាន។

ចំណែកឯមិត្តរួមសិល្បៈ និងអ្នកគាំទ្រជាច្រើនផ្សេងទៀតក៏បាននាំគ្នាចូលខមមិនជូនពរ Kao Suphassara សម្រាប់ឱកាសថ្ងៃខួបកំណើតរបស់នាងនេះយ៉ាងច្រើនកុះករផងដែរ៕

សូមទស្សនាវីដេអូខាងក្រោម៖