មន្រ្តីផែនការក្រុងវ៉លឡេចរបស់រដ្ឋកាលីហ្វ័រញ៉ា បានលាលែងពីតំណែងបន្ទាប់ពីគាត់បានបោះឆ្មារបស់គាត់ក្នុងកិច្ច​ប្រជុំមួយនៅក្នុង Zoom ក្រោយពីមន្រ្តីរូបនេះបានផឹកគ្រឿងស្រវឹង និងប្រើភាសាមិនសមរម្យ។

ក្នុងអំឡុងកិច្ចប្រជុំកាលពីថ្ងៃទី ២០ ខែមេសាដែលបានធ្វើឡើងតាមរយៈ Zoom នៅពេលទីក្រុងអនុវត្ត​គម្លាត​ឆ្ងាយពីគ្នាដោយសារជំងឺឆ្លងរាតត្បាតវីរុស COVID-19។ ភ្លាមៗបន្ទាប់ពីឆ្មារបស់លោក Chris Platzer យំលឺ​សំលេង​លឺខ្លាំងៗពេក គាត់បាននិយាយថា "មិនអីទេ ដំបូងខ្ញុំចង់ណែនាំឆ្មារបស់ខ្ញុំ" ហើយក៏លើកឆ្មាឡើងលើ​កាមេរ៉ាមួយភ្លែតបន្ទាប់មកបោះវាចោល។  

នៅក្នុងអ៊ីមែលមួយទៅកាន់កាសែតក្នុងតំបន់ Vallejo Times-Herald កាលពីថ្ងៃសៅរ៍​ លោក Chris Platzer បានសុំទោសចំពោះអាកប្បកិរិយារបស់គាត់ហើយបានបញ្ជាក់ថាគាត់បានចុះចេញពីតំណែង។

ក្រុមប្រឹក្សាក្រុងបានពិចារណាដំណោះស្រាយដើម្បីដក Platzer ចេញពីគណៈកម្មការនៅក្នុងកិច្ចប្រជុំរបស់ខ្លួននៅ យប់ថ្ងៃអង្គារ។ យោងតាមឯកសារទីក្រុងបានអោយដឹងថាលោក Chris Platzer ក៏ត្រូវបានគេសង្កេតឃើញផឹក ភេសជ្ជៈមានជាតិអាល់កុល ក្នុងអំឡុងពេលប្រជុំហើយបានប្រើពាក្យប្រមាថមើលងាយផងដែរ។

អភិបាលក្រុងលោក Bob Sampayan បានប្រាប់កាសែត Times-Herald ថា​ “អាកប្បកិរិយារបស់លោក Chris Platzer ទាំងមូលក្នុងអំឡុងពេលប្រជុំគឺមិនសមរម្យហើយវានឹងមានបញ្ហា ប្រសិនបើអ្នកអភិវឌ្ឍន៍កំពុងឃ្លាំមើល ការប្រជុំ​ ខណៈពួកគេប្រាកដជាមានការព្រួយបារម្ភអំពីទីក្រុងនេះ។

សូមទស្សនាវីដេអូខាងក្រោម៖

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ