ភ្នំពេញ៖ គ្រឹះស្ថានមីក្រូហិរញ្ញវត្ថុ សម្បត្តិ ហ្វាយនែន ភីអិលស៊ី បានយល់អំពីទុក្ខលំបាកផ្នែកហិរញ្ញវត្ថុដែលអតិថិជនមួយចំនួនកំពុងជួបប្រទះ ជាពិសេសអតិថិជនក្នុង វិស័យទេសចរណ៍ កាត់ដេរ សំណង់ និង ផ្នែកដឹកជញ្ជូន ក្នុងកំឡុងពេលមានការរីករាលដាលនៃជំងឺឆ្លង កូវីដ១៩ នេះ។ ក្នុងនាមស្ថាប័នផ្តល់ប្រាក់កម្ចីដែលមានការទទួលខុសត្រូវខ្ពស់ គ្រឹះស្ថានមីក្រូហិរញ្ញវត្ថុ សម្បត្តិ ហ្វាយនែន ភីអិលស៊ីមានការអាណិតអាសូរនិងយោគយល់ ដល់ប្រជាជនកម្ពុជា ដែលកំពុងរងផលប៉ះពាល់ពីការរីករាលដាលនៃជំងឺឆ្លងនេះ និង ស្របតាមសារាចរ ដែលចេញដោយធនាគារជាតិនៃកម្ពុជា ស្ថាប័នបានសម្រេចផ្តល់រយៈពេលអនុគ្រោះសម្រាប់កម្ចីអតិថិជនរហូតដល់៥ខែលើការសងប្រាក់ដើម ដោយអតិថិជន គ្រាន់តែត្រូវបង់ការប្រាក់និងថ្លៃសេវា(បើមាន) ក្នុងអំឡុងពេលនេះតែប៉ុណ្ណោះ។ សូមបញ្ជាក់ថា រាល់អតិថិជនដែលទទួលបានការអនុគ្រោះដូចខាងលើ ស្ថាប័ននឹងពន្យារយៈពេលកម្ចីបន្ថែមចំនួន៥ខែ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសម្រាប់អតិថិជនដែលរងផលប៉ះពាល់ក្នុងវិស័យទេសចរណ៍ កាត់ដេរ សំណង់ និង ដឹកជញ្ជូន សូមទាក់ទងមកសម្បត្តិ ហ្វាយនែន ជាបន្ទាន់តាមលេខទូរស័ព្ទ 023/093 99 77 22 ហើយអាចចូលមើលសំណួរ ចម្លើយលម្អិតអំពីរយៈពេលអនុគ្រោះនេះតាមវែបសាយរបស់សម្បត្តិ ហ្វាយនែន។ https://bit.ly/Sambat
អំពីសម្បត្តិ ហ្វាយនែន
សម្បត្តិ ហ្វាយនែន គឺជាគ្រឹះស្ថានមីក្រូហិរញ្ញវត្ថុមួយដែលផ្តល់ជូននូវដំណោះស្រាយ ផ្នែកហិរញ្ញវត្ថុដោយស្មើភាពគ្នា ទៅកាន់អតិថិជន សហគ្រាសខ្នាតតូចបំផុត ខា្នតតូច និងខ្នាតមធ្យម ដែលមានភាពសមស្របបំផុតជាមួយនឹងតម្រូវការរបស់ពួកគេទាំងការប្រើប្រាស់ជាលក្ខណៈផ្ទាល់ខ្លួន និងអាជីវកម្ម។ សព្វថ្ងៃនេះគ្រឹះស្ថានមីក្រូហិរញ្ញវត្ថុសម្បត្តិ ហ្វាយនែន ភីអិលស៊ីមានសាខាចំនួនបួន(ទួលគោក តាខ្មៅ ចោមចៅ និង បែកចាន) ក្នុងពេលឆាប់ៗខាងមុខនេះសម្បត្តិ ហ្វាយនែន នឹងដាក់អោយប្រើប្រាស់ប្រព័ន្ធកម្ចីតាមរយៈឌីជីថល ដើម្បីធ្វើការអនុម័តកម្ចីឆាប់រហ័សជូនដល់អតិថិជន គ្រប់ពេលវេលា គ្រប់ទីកន្លែង 24/7៕