រន្ធត់ណាស់! ឆ្លងកូវីដ១៩បាន៣ថ្ងៃ អ្នកច្នៃម៉ូតស្បែកជើងដ៏ល្បីល្បាញក្នុងលោកSergio Rossi ស្លាប់ហើយ

//s5.kh1.co/96/96a7e42f2c00a5a95f76ff241f6a4b1a0f823f39.jpg

តារា & កម្សាន្ដ

០៤-មេសា-២០២០ ៩ព្រឹក · ៤ ឆ្នាំមុន

អ្នករចនាម៉ូត ដ៏ល្បីលើពិភពលោកSergio Rossi បានទទួលមរណភាពហើយ នៅអាយុ៨៤ ឆ្នាំ បន្ទាប់ពីបានឆ្លងវីរុសCOVID-19។

បរទេស៖ ពិតជាដំណឹងមួយ ដ៏គួរឲ្យសោកស្តាយ ដែលអ្នករចនាម៉ូត ដ៏ល្បីលើពិភពលោកSergio Rossi បានទទួលមរណភាពហើយ នៅអាយុ៨៤ ឆ្នាំ បន្ទាប់ពីបានឆ្លងវីរុស COVID-19។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមប្រភពអ្នកដែលជិតដិត បាននិយាយថា អ្នកច្នៃម៉ូតស្បែកជើង ដ៏ល្បីល្បាញរូបនេះ បានស្លាប់ បន្ទាប់ពីបានសម្រាក ព្យាបាលនៅមន្ទីរពេទ្យ នៅពេលដែលបាន ដឹងថាឆ្លងវីរុសCovid-19 ត្រឹមរយៈពេល៣ថ្ងៃតែប៉ុណ្ណោះ ។

ស្របពេលដែល មានទុក្ខដ៏ក្រៀមក្រំមួយនេះ គេក៏ឃើញគេហទំព័រហ្វេសប៊ុកមួយ ដែលមានឈ្មោះSergio Rossi fanpage ក៏បានបង្ហោះពី កម្រងអនុស្សាវរីយ៍ ដើម្បីចងចាំដល់ ស្ថាបនិករូបនេះ ព្រមទាំងបាន សរសេររៀបរាប់ បែបនេះថា៖

ថ្ងៃនេះ អ្នករាល់គ្នាSergio Rossi នឹងចូលរួម ជាមួយយើង ក្នុងការកាន់ទុក្ខលោកSergio ដែលជា ស្ថាបនិកនៃម៉ាកនេះ។ គាត់គឺជាបិតា នៅក្នុងវិស័យរចនាម៉ូដស្បែកជើង។ យើងពិតជា មានកិត្តិយសណាស់ ដែលបានស្គាល់គាត់។ ចក្ខុវិស័យ និងវិធីសាស្រ្តរបស់គាត់ នឹងនៅតែត្រួតត្រាយផ្លូវឲ្យយើង ក្នុងការអភិវឌ្ឍស្លាកយីហោនេះ នៅពេលក្រោយៗតទៅទៀត។

Sergio Rossifanpage

ជាមួយគ្នានេះដែរលោកRiccardo Sciutto ដែលជានាយកប្រតិបត្តិ នៃយីហោ តាំងពីឆ្នាំ 2016 បាននិយាយថា លោកSergio Rossi គឺជាបុរសដែល តែងតែមាន សេចក្តីស្រឡាញ់ជាពិសេស ចំពោះស្ត្រី។ លើសពីនេះលោកRiccardo Sciutto ក៏បានបញ្ជាក់បន្ថែមថា៖

គាត់ស្រឡាញ់ស្ត្រី និងដឹងពីរបៀប ថែរក្សាភាពជាស្ត្រី របស់ពួកគេ តាមរបៀបប្លែកៗ។ រាល់ពេល គាត់តែងតែចង់បាន នៅភាពល្អឥតខ្ចោះ សម្រាប់ស្ត្រី។ សម្រាប់គាត់ស្បែកជើង មិនមែនជាគ្រឿងបន្លាស់នោះទេ។ ប៉ុន្តែគាត់ធ្លាប់បាននិយាយថា គាត់ចង់ឱ្យស្បែកជើង របស់គាត់ក្លាយជា ជាផ្នែកមួយ ដ៏ល្អឥតខ្ចោះនៃ ប្រអប់ជើងរបស់ស្ត្រី។

Riccardo Sciutto

គួររម្លឹកផងដែរថា លោកSergio Rossi កើតនៅឆ្នាំ១៩៣៥ នៅ San Mauro Pascoli ដែលជាតំបន់ ផលិតស្បែកជើងដ៏ល្បីល្បាញ មួយនៅប្រទេសអ៊ីតាលី។ គាត់បានរៀនចេះពីឪពុករបស់គាត់ ហើយចាប់ផ្តើមបង្កើតស្បែកជើង ផ្ទាល់ខ្លួននៅដើមទសវត្សឆ្នាំ១៩៥០។ ដោយមាន ទេពកោសល្យពីធម្មជាតិSergio Rossi ក៏បានចាប់ផ្តើមបង្កើត ម៉ាកយីហោដ៏ល្បីល្បាញ របស់គាត់នៅក្នុងឆ្នាំ១៩៦៨។ អ្នករចនាម៉ូដនេះ បានសហការជាមួយ ម៉ាកសំលៀកបំពាក់ធំៗ ជាច្រើនដូចជា Versace, Dolce & Gabbana និង Azzedine Alaia ជាដើម។ គេតែងឃើញថា ការរចនាម៉ូតរបស់Sergio Rossi ត្រូវបានប្រើ ជាញឹកញាប់ នៅក្នុងកម្មវិធីបង្ហាញម៉ូដធំ ៗ នៅទីក្រុងMilan នៃប្រទេសអ៊ីតាលី។

លើសពីនេះទៅទៀតនោះថា នៅឆ្នាំ១៩៨០ ស្កាកយីហោនេះ បានចាប់ផ្តើម ពង្រីកទីផ្សាររបស់ខ្លួន កាន់តែធំដែលហាងដំបូង បានបង្ហាញខ្លួននៅAncona បន្ទាប់មកនៅ Torino, Florence, Rome ... និងពង្រីកទៅកាន់ទីក្រុងនានា នៅខាងក្រៅប្រទេសអ៊ីតាលី ដូចជាទីក្រុងព្រុចសែល (បែលហ្ស៊ិក) ញូវយ៉កឡូសអេនជឺលេស (សហរដ្ឋអាមេរិក) និងទីក្រុងឡុងដ៍ (ចក្រភពអង់គ្លេស) ជាដើម៕