ទើបលេង Tiktok លើកដំបូង Bie Thassapak ផុសវីដេអូផ្អើលអស់មារសត្រូវ និងតាមដានមនុស្សតែម្នាក់ប៉ុណ្ណោះ (មានវីដេអូ)

ថៃ៖ តារាប្រុសកូនមួយ Bie Thassapak ដែលគេស្គាល់ថាជាស្វាមីនឹងតារាស្រីពូកែខាងក្រមិច ក្រមើម Gubgib បានប្រកាសលើគណនី Instagram របស់ខ្លួនថា ខ្លួនទើបនឹងបានបង្កើតគណនី Tiktok ថ្មីមួយជាលើកដំបូង ដែលមានឈ្មោះថា BIEXU និងបានសូមឲ្យអ្នកគាំទ្រជួយតាមដានគណនី Tiktok របស់ខ្លួនឲ្យបានច្រើនៗ។

អ្វីដែលគួរឲ្យកត់សម្គាល់នោះ គឺតារាប្រុសរូបនេះបានបង្ហោះវីដេអូចំនួន៤ដើម្បីជាការបើកសម្ភោធ Tiktok ថ្មីរបស់ខ្លួន តែវីដេអូនីមួយៗមិនមែនមានលក្ខណៈធម្មតាៗឡើយ ពោលគឺ Bie សម្ដែងចេញមកមានគ្រប់ម៉ូតគ្រប់ម៉ាកតែម្ដង ជាពិសេសគឺមានវីដេអូដ៏គួរស្រឡាញ់ជាមួយនឹងកូនស្រីថែមទៀត។ គ្រាន់តែមិត្តអ្នកគាំទ្របានឃើញវីដេអូទាំងនោះភ្លាម ម្នាក់ៗចូលខមមិនបែបអស់សំណើចស្ទើរគ្រប់គ្នា ជាពិសេសថែមទាំងមានអ្នកចូលខមមិនបែបឌឺដងថា ដោយសារតែឥទ្ធិពលនៃការកាក់ខ្លួនក្នុងផ្ទះ ទើបបានជាធ្វើឲ្យ Bie ក្លាយទៅជាបែបនេះ។

មកទល់នឹងពេលនេះ ត្រឹមតែរយៈពេល២ថ្ងៃប៉ុណ្ណោះ គណនី Tiktok របស់ Bie Thassapak មានអ្នកតាមដានរហូតដល់ទៅ ១ម៉ឺន៦ពាន់នាក់ តែតារារូបនេះតាមដានមនុស្សតែម្នាក់ប៉ុណ្ណោះ នោះគឺគណនី Tiktok របស់ Justin Bieber៕

សូមទស្សនាវីដេអូខាងក្រោម៖