ភ្នំពេញ៖ តារាសម្ដែងស្រីដែលពោរពេញទៅដោយសមត្ថភាព និងកំពុងទទួលបានការគាំទ្រយ៉ាងខ្លាំងពីសំណាក់ទស្សនិកជន កញ្ញា ដួង ម៉ានិច ឬគេនិយមហៅថា ម៉ាក់និច បានបង្ហោះរូបភាពដ៏រំភើបរីករាយជាច្រើនសន្លឹកនៅលើគណនី Instagram របស់ខ្លួន ពីសកម្មភាពដែលមិត្តរួមសិល្បៈបានរៀបចំធ្វើខួបកំណើតឲ្យមុនថ្ងៃកំណត់ ទាំងដែលថ្ងៃកំណើតពិតរបស់នាង គឺនៅថ្ងៃទី០៥ មេសា ឯណោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្វីដែលកាន់តែពិសេសទៀតនោះ គឺ ដួង ម៉ានិច បានហៅខ្លួនឯងថា ម៉ាក់និច និង ម៉ាក់ផា ហើយបានហៅតារាសម្ដែងនៅក្នុងរឿង កូនប្រសារអ្នកមាន រួមមានលោក ឈឹម សក្កដា កញ្ញា ណាក់ ស្រីណា លោក សុខ ម៉ាវីន លោក ទីនទីន និងតារាជាច្រើនរូបទៀត ដែលបានរៀបចំធ្វើខួបកំណើតឲ្យ ថាសុទ្ធតែកូនៗ ដោយសារ ម៉ានិច សម្ដែងជាតួអង្គម្តាយ ឈ្មោះជំទាវផា នៅក្នុងរឿងនោះ។
តាមរយៈសកម្មភាពទាំងនេះ គេអាចសន្និដ្ឋានបានថា ដួង ម៉ានិច ប្រាកដជាក់ជាមានអ្នកស្រឡាញ់ចូលចិត្តច្រើន ជាពិសេសគឺអ្នករួមការងារជាមួយតែម្ដង។ ម៉្យាងវិញទៀត ម៉ាក់និច មិនត្រឹមតែថ្លែងអំណរគុណកូនៗ និងជូនពរឲ្យពួកគេមានសេចក្តីសុខនោះទេ តែម៉ាក់និចក៏បានជូនពរឲ្យប្រជាជនខ្មែរទាំងអស់មានសុភមង្គល និងសុខភាព ជៀសផុតពីជម្ងឺដែលកំពុងរាតត្បាតក្នុងពេលបច្ចុប្បន្ននេះទៀតផង៕
សូមទស្សនារូបភាព និងវីដេអូខាងក្រោម៖