ភ្នំពេញ៖ ដើម្បីចូលរួមចំណែកជាមួយរាជរដ្ឋាភិបាល​ និងប្រជាជនកម្ពុជាក្នុងសង្គ្រាមប្រយុទ្ធប្រឆាំងយ៉ាងខ្លាំងក្លាជាមួយជំងឺកូវីដ19 មិត្តហ្វូនបានបង្កើតនូវមូលនិធិសប្បុរសធម៌ដែលមានឈ្មោះថា «មូលនិធិមិត្តហ្វូនប្រយុទ្ធប្រឆាំងជំងឺកូវីដ19»។​​ កម្មវិធីនេះ គឺមិនគិតកម្រៃទាំងអស់ ហើយអ្នកទាំងអស់គ្នាអាចបរិច្ចាគដោយភាពងាយស្រួល ដើម្បីចូលរួមជាមូយយើងនៅក្នុងកាលៈទេសៈដ៏លំបាកនេះផងដែរ។ មូលនិធិនេះត្រូវបានរំពឹងទុកថា នឹងអាចទទួលបានការចូលរួមពីមនុស្សរាប់លាននាក់ ហើយថវិការយពាន់ដុល្លានឹងត្រូវប្រគល់ជូនអាជ្ញាធរនៅចុងបញ្ចប់នៃកម្មវិធី។

ដើម្បីចូលរួមកម្មវិធីនេះ​ ហើយចាប់ផ្តើមបរិច្ចាគ អតិថិជនទាំងអស់គ្រាន់តែតម្លើងនឹងចុះឈ្មោះក្នុងកម្មវិធី ម៉ូចា (Mocha) ឬកម្មវិធី អ៊ី-ម៉ាន់នី (eMoney) នៅលើ Google Play និង Apple Store តែប៉ុណ្ណោះ។ គ្រប់គណនីដែលបានចុះឈ្មោះ និងដំណើរការប្រើប្រាស់នឹងត្រូវបានបរិច្ចាគ ១,០០០រៀល ទៅកាន់មូលនិធិមិត្តហ្វូនប្រយុទ្ធប្រឆាំងជំងឺកូវីដ19 ដោយស្វ័យប្រវត្តិ ហើយកម្មវិធីចាប់ផ្តើមពីថ្ងៃនេះរហូតដល់បំណាច់ខែឧសភា។​ ថវិកាដែលទទួលបានពីមូលនិធីទាំងអស់ នឹងត្រូវប្រគល់ជូនអាជ្ញាធរដើម្បីជួយសំរួលដល់អ្នកជំងឺកូវីដ19​ ក្រុមគ្រូពេទ្យជួរមុខ​ និងតម្រូវការរបស់ប្រជាជនផងដែរ។​ គ្មានការគិតថ្លៃសេវាអ្វីទាំងអស់នៅក្នងកំឡុងពេលអនុវត្តន៍នៃកម្មវិធីនេះ។

រូបភាព៖ មូលនិធិមិត្តហ្វូនប្រយុទ្ធប្រឆាំងជំងឺកូវីដ19

សកម្មភាពនេះគូសបញ្ជាក់ថា មិត្តហ្វូន គឺតែងតែប្រកាន់ភ្ជាប់ជាមូយនឹងទស្សនវិស័យរបស់ខ្លួន «អ្នកយកចិត្តទុកដាក់ និងច្នៃប្រឌិតខ្ពស់» ជាមួយនឹងបំណងចូលរួមចំណែកប្រយុទ្ធប្រឆាំង នឹងជំងឺឆ្លងដ៏កាចសាហាវនេះប្រកបដោយប្រសិទ្ធភាពខ្ពស់។

នៅក្នុងកិច្ចសម្ភាសន៍ជាមួយលោក ញ៉ុង ឌិនថន អគ្គនាយករងនៃក្រុមហ៊ុនមិត្តហ្វូន ស្តីអំពីកម្មវិធីនេះ លោកបានមានប្រសាសន៍ថា៖

ប្រសាសន៍របស់លោក ញ៉ុង ឌិនថន 

Mocha ជាកម្មវិធីកម្សាន្តបែបពិភពលោកតាមអនឡាញ ទទួលបានព័ត៌មានទាន់ហេតុការណ៍ មើលខ្សែភាពយន្តរក្សាសិទិ្ធ និងប្លក់ដោយមិនមានការផ្សព្វផ្សាយពាណិជ្ជកម្មរំខាននោះទេ ក្រៅពីនោះអតិថិជនទាំងអស់អាចស្តាប់ចម្រៀង និងជជែកកម្សាន្តជាមូយគ្នាដោយសេរីបានទៀតផង។ ចំណែកកម្មវិធី eMoney ​វិញ​ជាកម្មវិធីកាបូបលុយឌីជីថល ដែលអាចបញ្ចូលលុយតាមរយៈទូរស័ព្ទដៃ ទូទាត់វិក្កយបត្រ​​ និងវេរប្រាក់នៅផ្ទះដោយឥតគិតថ្លៃផងដែរ។

លោកបានបន្ថែមទៀតថា៖​

ប្រសាសន៍របស់លោក ញ៉ុង ឌិនថន
រូបភាព៖ មូលនិធិមិត្តហ្វូនប្រយុទ្ធប្រឆាំងជំងឺកូវីដ19

ចាប់តាំងពីផ្ទុះជំងឺកូវីដ19 មក មិត្តហ្វូនបានចូលរួមចំណែកយ៉ាងក្លៀវក្លាជាមួយរាជរដ្ឋាភិបាល​ និងប្រជាជនកម្ពុជា ជាពិសេសគឺវិស័យអប់រំ និងអនុវត្តន៍នូវយុទ្ធសាស្រ្តមួយចំនួនរួមមាន ឧបត្ថម្ភការសិក្សាតាមអនឡាញ ដំណោះស្រាយកិច្ចប្រជុំតាមស​ន្និ​សី​ទ​វីដេអូ ផ្តល់នូវហេដ្ឋារចនាសម្ព័ន្ធទូរគមនាគមន៍ឥតគិតថ្លែ និងផ្តល់ជូនបន្ថែមនូវសេវាផ្សេងៗទៀតជាច្រើនផងដែរ។

ក្រៅពីនេះមិត្តហ្វូនក៏បានសហការជាមួយក្រសួងសុខាភិបាល រីករាយផ្តល់នូវការគាំទ្រផ្នែកថែទាំសុខភាពតាមរយៈសារជូនដំណឹង (SMS) ពីជំងឺកូវីដ19​​ ទៅអតិថិជនទាំងអស់ដោយប្រើប្រាស់ប្រព័ន្ធឈ្មោះ SMS Brand Name system និងផ្តល់ជូនកញ្ចប់ពិសេសដោយឥតគិតថ្លៃលើសេវាទូរស័ព្ទសំរាប់បុគ្គលិកសុខាភិបាលជួរមុខ ហើយមិត្តហ្វូនបានចូលរួមចំណែកផ្សព្វផ្សាយ ណែនាំសារអប់រំរបស់ក្រសួងសុខាភិបាលពីជំងឺនេះ នៅលើទំព័រហ្វេសប៊ុកផ្លូវការរបស់មិត្តហ្វូន គេហទំព័រមិត្តហ្វូន និងក្នុងកម្មវិធីផ្សេងៗរបស់ខ្លួនផងដែរ។

មិត្តហ្វូន ប្តេជ្ញា​​បន្តគាំទ្រនៅក្នុងការការពារការររីករាលដាលនៃជំងឺកូវីដ19​​ ​ទៅកាន់អតិថិជន និងប្រជាជនកម្ពុជាទាំងអស់។ សូមតាមដានគេហទំព័ររបស់មិត្តហ្វូន https://www.metfone.com.kh/kh និងទំព័រហ្វេសប៊ុកផ្លូវការ http://fb.com/metfone.closer ដើម្បីតាមដានព័ត៌មានផ្សេងៗ៕  

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ