បែលហ្ស៉ិក៖ សួនសត្វមួយនៅបែលហ្ស៊ិកបានចែករំលែករូបថតដ៏អស្ចារ្យមួយចំនួននៃចំណងមិត្តភាពរវាងក្រុមគ្រួសារនៃស្វាអូរ៉ង់អូតង់ និងសត្វភេដែលជាអ្នកជិតខាងនឹងគ្នា។ ហើយសួនសត្វក៏បានបង្ហាញរូបភាពគួរឱ្យស្រឡាញ់របស់សត្វស្វាអូរ៉ង់អូតង់ ដែលកំពុងលេងជាមួយមិត្តភក្តិដែលវាចូលចិត្តលេងជាមួយផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសត្វទាំងនេះរស់នៅជាមួយគ្នានៅសួនសត្វ Pairi Daiza ក្នុង Domaine du Cambron ដែលជាផ្នែកមួយនៃកម្មវិធីដែលត្រូវបានរចនាឡើងដើម្បីថែរក្សាសុខុមាលភាពរបស់សត្វស្វា។
យោងតាមអ្នកនាំពាក្យសួនសត្វលោក Mathieu Goedefroy បាននិយាយថា“ ពួកគេត្រូវតែកម្សាន្តដោយមានភាពរីករាយ មានការប្រកួតប្រជែង និងរក្សាភាពមមាញឹកទាំងផ្លូវចិត្ត អារម្មណ៍ និងរាងកាយគ្រប់ពេល”។
ផ្នែកមួយនៃកម្មវិធីនេះក្រុមគ្រួសារនៃសត្វភេតូចៗនៅអាស៊ីត្រូវបានអនុញ្ញាតិឲ្យរស់នៅក្នុងទន្លេដែលហូរកាត់តាមជម្រក ដែលមានក្រុមគ្រួសារសត្វស្វាអូរ៉ង់អូតង់៖ ឪពុកអាយុ ២៤ ឆ្នាំ ឈ្មោះអ៊ូជៀន ម្តាយអាយុ ១៥ ឆ្នាំ ឈ្មោះសារី និងបេរ៉ាន ហើយកូនប្រុសរបស់ពួកគេដែលមានអាយុបីឆ្នាំ។
សត្វភេពិតជារីករាយក្នុងការចេញពីទឹកទៅលើកោះសត្វស្វាអូរ៉ង់អូតង់ដើម្បីទៅលេងជាមួយមិត្តភក្តិធំ ៗ របស់ពួកគេណាស់។
ហើយវាធ្វើឱ្យជីវិតកាន់តែរីករាយ និងគួរឱ្យចាប់អារម្មណ៍សម្រាប់ប្រភេទសត្វទាំងពីរដែលធ្វើឱ្យវាក្លាយជាការពិសោធដែលទទួលបានជោគជ័យបំផុត។
គ្រួសារសត្វស្វាអូរ៉ង់អូតង់បានមកដល់សួនសត្វនេះក្នុងឆ្នាំ ២០១៧។ ហើយមានសត្វស្វា ២ ក្បាលទៀតក៏រស់នៅទីនោះដែរគឺ ហ្គេបប៉ា ជាស្វាឈ្មោល និងស៊ីនតា ជាស្វាញី។
Goedefroy បាននិយាយថា សត្វស្វាអូរ៉ង់អូតង់ ចែករំលែក DNA របស់ពួកគេ ៩៧% ជាមួយមនុស្ស ហើយជាលទ្ធផលតម្រូវឱ្យមានការយកចិត្តទុកដាក់ច្រើនដើម្បីរក្សាពួកគេឱ្យមានការចងចាំ។លោកបានបន្ថែមថា“ អ្នកថែរក្សារបស់យើងបានកម្សាន្តជាមួយពួកគេពេញមួយថ្ងៃជាមួយនឹងល្បែង គំនិត ការលេងសើច ល្បែងផ្គុំរូប និងវត្ថុផ្សេងៗទៀតដើម្បីបណ្តុះបណ្តាលបញ្ញារបស់ពួកគេ”។
គ្រួសារសត្វស្វាអូរ៉ង់អូតង់ត្រូវបានគំរាមកំហែងដោយចម្ការដូងប្រេងនៅស្រុក Borneo និង Sumatra ។ លោក Goedefroy បានប្រាប់ CNN ថាសួនសត្វនេះបានរៃអង្គាសថវិកាដើម្បីដាំដើមឈើចំនួន ១១,០០០ ដើមដើម្បីស្តារព្រៃនៅកោះ Borneo៕