បាងកក៖ នាយកដ្ឋានប្រយុទ្ធនឹងជំងឺឆ្លង (DCD) របស់ប្រទេសថៃបានព្យាករណ៍ថា៖ ចំនួននៃអ្នកឆ្លងវីរុសកូវីត-១៩ នៅប្រទេសថៃអាចនឹងកើនឡើងដល់ប្រហែល ៣,០០០ នាក់នៅចុងខែមេសា ប្រសិនបើអត្រាអ្នកឆ្លងជំងឺជាមធ្យមមាន ១០០ នាក់ក្នុងមួយថ្ងៃ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Anupong Sujariyakul ដែលជាវេជ្ជបណ្ឌិតជាន់ខ្ពស់នៅ DCD បាននិយាយថា៖ ករណីអ្នកឆ្លងវីរុសកូវីត-១៩ ដ៏ច្រើនសន្ធឹកសន្ធាប់នេះ បានកើនឡើងប្រហែលមួយសប្តាហ៍មុន ដែលរួមមាន ករណីឆ្លងនៅកន្លែងកម្សាន្ត ករណីឆ្លងនៅកន្លែងប្រកួតប្រដាល់ និងករណីអ្នកដែលបានទៅចូលរួមពិធីសាសនានៅប្រទេសម៉ាឡេស៊ី។
ដោយឡែកលោក វេជ្ជបណ្ឌិត Prasit Wattanapa ដែលជាប្រធានផ្នែកឱសថសាស្ត្រនៃមន្ទីរពេទ្យ Siriraj នៅក្នុងទីក្រុងបាងកកបានព្យាករណ៍ថា៖ ចំនួននៃអ្នកឆ្លងវីរុសកូវីត-១៩ នៅប្រទេសថៃ អាចនឹងកើនឡើងដល់ជាង ២៤០,០០០ នាក់។
គួររម្លឹកផងដែរថា កាលពីថ្ងៃសុក្រមិ្សលមិញនេះ ប្រទេសថៃបានរកឃើញអ្នកឆ្លងវីរុសកូវីត-១៩ ចំនួន ៩១ នាក់ ដែលធ្វើឱ្យតួលេខអ្នកឆ្លងសរុបបានកើនឡើងដល់ ១,១៣៦ នាក់ ខណៈអ្នកស្លាប់បានកើនឡើងដល់ ៥ នាក់។ ទន្នឹមគ្នានេះដែរ ជំងឺកូវីដ-១៩ ចំនួន ៩៧ នាក់ ត្រូវបានទទួលការព្យាបាលជាសះស្បើយ ខណៈអ្នកជំងឺចំនួន ១,០៣៤ នាក់ផ្សេងទៀត គឺកំពុងសម្រាកព្យាបាលនៅឯមន្ទីរពេទ្យនៅឡើយ៕