ខ្លាចហ្វេនបារម្ភ! Matthew បង្ហោះសារ ប្រាប់​ពីអាការៈ​​របស់​ខ្លួន បន្ទាប់ពី​​ព្យាបាល​ Covid-19 អស់​រយៈ​ពេល១០ថ្ងៃ

គ្រាន់តែចង់ Update អំពីស្ថានភាពរបស់ពួកយើងនៅពេលនេះ ។ ពួកយើងមានភាពរឹងមាំ ។ អរគុណសម្រាប់ការគាំទ្រ ក៏ដូចជាការជូនពររបស់អ្នកទាំងអស់គ្នា រាងកាយរបស់ពួកយើងមានភាពល្អប្រសើរ ហើយក៏រឹងមាំដែរ ។ ថ្ងៃនេះជាថ្ងៃចុងក្រោយចុងក្រោយដែលយើងលេបថ្នាំគ្រប់១០ថ្ងៃ ថ្នាំមានភាពប្រតិកម្មខ្លះ តែមិនធំដុំទេសម្រាប់ពួកយើង ។ យើងកំពុងតែបន្តររងចាំការឆ្លុះមើលសួតម្តងទៀតដើម្បីឲ្យប្រាកដ ហើយអ្វីដែលយើងសង្ឃឹមនោះគឺលទ្ធផលការធ្វើតេស្តរបស់យើងនឹងត្រលប់មកអវិជ្ជមានវិញ ២ដងជាប់គ្នា ។ លទ្ធផលធ្វើតេស្តកាលពីយប់មិញនៅតែបង្ហាញថាវិជ្ជមាន មានន័យថាវីរុសនៅតែមាននៅក្នុងខ្លួនរបស់ពួកយើង ប៉ុន្តែមិនដឹងទេថាវីរុសនោះវានៅមានសកម្មភាពក្នុងខ្លួនរឺអត់ ប៉ុន្តែមិនអីទេ ពួកយើងរស់នៅជាមួយគ្នាមិនមែនឯកោទេ គិតពីកូន ២ នាក់ និងការលើកទឹកចិត្តពីមិត្តភក្តិ បងប្អូន ប្រុសស្រីនៅទូទាំងប្រទេស ដែលផ្តល់ឱ្យយើងនូវកម្លាំងចិត្តពិតប្រាកដជារៀងរាល់ថ្ងៃ។ ពេលខ្ញុំស្នាក់នៅទីនេះ ខ្ញុំបានឃើញការងាររបស់ក្រុមគ្រូពេទ្យ និងថែទាំជិតស្និទ្ធណាស់ ពួកគេស្រឡាញ់ការងាររបស់ពួកគេហើយលះបង់ច្រើនមែនទែន  ដើម្បីថែរក្សាសុខភាពរបស់ប្រជាជនថៃទាំងអស់ សូមជួយពួកគេផង ដោយគ្រាន់តែស្នាក់នៅផ្ទះ ក្នុងអំឡុងពេលនេះ ជាពិសេសក្មេងៗជំទង់ដែលងាយនឹងធុញទ្រាន់ កុំគិតខ្លីគ្រាន់តែចង់ចេញក្រៅដើម្បីជួបមិត្តភក្តិ។ វាអាចប៉ះពាល់ដល់គ្រួសារយើង តស៊ូទាំងអស់គ្នាយើងនឹងឆ្លងផុតជាមួយគ្នា” ។