កូរ៉េខាងត្បូង ៖ កាលពីពេលថ្មីៗនេះ យោងតាមការចុះផ្សាយរបស់សារព័ត៌មាន Sports Chosun នៅថ្ងៃទី២៧ ខែមីនានេះ បានឲ្យដឹងថា តារាសម្តែង Song Joong Ki បានលួចទៅទិញខុនដូដ៏ប្រណិតមួយស្ងាត់ៗ មានតម្លៃរហូតដល់ទៅជាង ២.៨លានដុល្លារ ដែលមានទីតាំងស្ថិតនៅឯ កោះហាវ៉ៃ ក្បែរឆ្នេរ Ala Moana ដ៏ស្រស់ស្អាតថែមទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើតាមប្រភពព័ត៌មានពីអ្នកជំនាញម្នាក់ ដែលមកពីកោះហាវ៉ៃ បានប្រាប់ប្រព័ន្ធផ្សព្វផ្សាយថា ៖
Song JoongKi បានទៅទិញខុនដូមួយ ដែលមានតម្លែជាង ២.៨លានដុល្លារអាមេរិក តាំងពីខែធ្នូ ឆ្នាំមុនមកម្ល៉េះ។ ហើយការទិញនេះគឺ ទុកសម្រាប់ពេលតារាប្រុសរូបនេះ ទៅលំហែទីនោះម្តងម្កាល ក្នុងពេលវិស្សមកាលតែប៉ុណ្ណោះ។
យ៉ាងណាមិញ កាលពីពេលថ្មីៗនេះ Song JoongKi ក៏ទើបតែត្រលប់មកប្រទេសកូរ៉េវិញ បន្ទាប់ពីខ្សែភាពយន្តថ្មី របស់ខ្លួន ដែលមានចំណងជើងថា Bogota នៅប្រទេសកូឡុំបៀ ត្រូវបានផ្អាកដំណើរការថត ដោយសារតែការរីករាលដាលខ្លាំងនៃជំងឺកូរ៉ូណា។
ហើយបច្ចុប្បន្ន តារាប្រុសរូបនេះ ក៏កំពុងតែស្ថិតនៅក្រោម ការឃ្លាំមើលពីគ្រូពេទ្យជំនាញ ដោយលោកកំពុងតែស្នាក់នៅដាច់ដោយឡែក រយៈពេល ១៤ថ្ងៃនៅឡើយ៕
ទស្សនារូបភាពខាងក្រោម ៖
Bong I.T