ដំណឹងក្ដុកក្ដួល! អតីតប្រធានសហព័ន្ធកីឡាប្រដាល់កម្ពុជា អ៊ុំ យូរ៉ាន់ ទទួលមរណភាពហើយ

ភ្នំពេញ៖​ អតីតប្រធានសហព័ន្ធកីឡាប្រដាល់ និងជាអតីតសមាជិកគណៈកម្មធិការប្រតិបត្តិអូឡាំពិកកម្ពុជា ឯកឧត្តមបណ្ឌិត អ៊ុំ យូរ៉ាន់ បានទទួលអនិច្ចកម្មហើយ កាលពីយប់ថ្ងៃទី២៦ ខែមីនា ឆ្នាំ២០២០ ម្សិលមិញ ដោយរោគាពាធ។

ឯកឧត្តម អ៊ុំ យូរ៉ាន់ បានកាន់តំណែងជាប្រធានសហព័ន្ធកីឡាប្រដាល់កម្ពុជាជាងពីរអាណត្តិ ប្រមាណជាជាង១០ឆ្នាំ រហូតដល់ឆ្នាំ២០០៩ ដោយពេលនោះសហព័ន្ធកីឡាប្រដាល់ នៅមិនទាន់បំបែកចេញជាសហព័ន្ធកីឡាប្រដាល់គុនខ្មែរ និង សហព័ន្ធកីឡាប្រដាល់សកលកម្ពុជា​ នៅឡើយទេ។

គួរឲ្យដឹងផងដែរថា ឯកឧត្តមបណ្ឌិត អ៊ុំ យូរ៉ាន់ គឺជាអនុរដ្ឋលេខាធិការនៃក្រសួងព័ត៌មាន៕