ឥណ្ឌា៖ ប្រទេសឥណ្ឌា ដែលជាប្រទេសប្រជាធិបតេយ្យធំបំផុតរបស់ពិភពលោក បានបិទប្រកាសកាលពីថ្ងៃពុធទី២៤ ខែមីនាកន្លងទៅនេះ ដោយប្រាប់ប្រជាជនទាំងប្រមាណ ១,៣ ពាន់លាននាក់របស់ខ្លួន សំងំនៅតែក្នុងផ្ទះ ដើម្បីបញ្ឈប់ការរីករាលដាលនៃវីរុសកូវីដ-១៩។
ប៉ូលិសបានប្រើរំពាត់ផ្ដៅ វាយទៅលើពលរដ្ឋណាដែលបំពានបម្រាមចេញក្រៅផ្ទះ ខណៈផ្លូវជាតិ និងស្ថានីយរថភ្លើងនៅរដ្ឋ Delhi ដែលធ្លាប់តែមានភាពអ៊ូអរ ត្រូវបិទដំណើរការ ដែលមិនធ្លាប់មានពីមុនមក។
ការបិទប្រទេសឥណ្ឌា មានលក្ខណៈទ្រង់ទ្រាយធំជាងប្រទេសចិនទៅទៀត ដែលប្រជាជនចិនប្រមាណ៧៦០លាននាក់ ត្រូវបានហាមមិនឲ្យចេញទៅណា ពោលគឺនៅក្នុងផ្ទះតែម្ដងកាលពីខែមករាកន្លងទៅនេះ បន្ទាប់ពីវីរុសកូវីដ-១៩ចាប់ផ្ដើមរីករាលដាលខ្លាំងនៅក្នុងខេត្ត Hubei មុនពេលឆ្លងរាលដាលពាសពេញប្រទេស។ យ៉ាងណាមិញ ឥឡូវនេះ ការរឹតបន្ដឹងនៅប្រទេសចិន ត្រូវបានបន្ធូរបន្ថយខ្លះៗហើយ។
រហូតមកដល់ពេលនេះ ប្រទេសឥណ្ឌា បានរាយការណ៍អំពីអ្នកឆ្លងវីរុសកូវីដ-១៩ចំនួន៦០៦ករណីមកហើយ។ ហើយវាបានក្លាយទៅជាការភ័យខ្លាចមួយថាអាចនឹងកើនឡើងជាងនេះ ដោយសារតែស្ថានភាពរស់នៅរបស់ប្រជាជនមានភាពក្រីក្រ ខ្វះអនាម័យ និងប្រព័ន្ធថែទាំសុខភាពអាចនឹងខ្វះខាតយ៉ាងឆាប់រហ័ស។
ទន្ទឹមនឹងនេះដែរ ក្រុមអ្នកជំនាញ បានព្រមានប្រជាជនឥណ្ឌាថា អាចនឹងមានអ្នកឆ្លងវីរុសកូវីដ-១៩ចំនួន៥០០លាននាក់ត្រឹមឆ្នាំក្រោយ ហើយនឹងអាចមានអ្នកស្លាប់ចំនួន១លាននាក់ផងដែរ៕
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ
