ល្អណាស់! ក្រុមក្មេងៗ រតនៈ វិបុល បរិច្ចាគថវិកា មួយពាន់ដុល្លារ ដើម្បីទប់ស្កាត់ជំងឺ Covid-19

បាត់ដំបង៖ បច្ចុប្បន្ននេះកម្ពុជាកំពុងមានការកើនឡើងនៅចំនួន អ្នកឆ្លងជំងឺវីរុស Covid-19 រហូតដល់ ៩៣ករណី។ បន្ទាប់ពីបានទទួលដំណឹង ថាកម្ពុជាកំពុងមានការរីរាលដាលនៅជំងឺមួយប្រភេទនេះ ក៏មានសិល្បករ និង សិល្បការិនីជាច្រើនរូបបានផ្ដល់ និងបរិច្ចាគថវិកាផ្ទាល់ខ្លួនជាច្រើន ដើម្បីទប់ស្កាត់ជំងឺ Covid-19 នេះ។

ក្នុងនោះដែរ ក្រុមក្មេងៗ ដែលដឹកនាំដោយ លោក រតនៈ វិបុល ប្រិយមិត្តច្បាស់ជាស្គាល់ ដោយក្រុមក្មេងៗទាំងនេះ បានធ្វើឲ្យមហាជនទូទាំងប្រទេស ស្គាល់ពួកគេតាមរយៈការថត និង សម្ដែងរឿងខ្លីៗជាច្រើន ដែលក្រុមក្មេងៗមួយនេះ ក៏បានបរិច្ចាគជាថវិកាសម្រាប់ទប់ស្កាត់ជំងឺនេះផងដែរ ដោយពួកគេ បានបរិច្ចាគជាទឹកប្រាក់ចំនួន ១០០០ ដុល្លារ។

ជាការពិតណាស់ បើទោះបី ក្រុម រតនៈ វិបុល នេះ ពួកគេនៅក្មេងវ័យក៏ពិតមែន តែ​ពួកគេមានទឹកចិត្តថ្លៃថ្លា ចេះជួយទៅកាន់សង្គម និងប្រទេសជាតិ ដែលកំពុងមានបញ្ហា ដោយសារជំងឺវីរុស Covid-19 នេះ ហើយសកម្មភាពទាំងនេះ ក៏ជាគំរូដ៏ល្អ សម្រាប់សង្គមជាតិមួយផ្នែកផងដែរ៕

ប្រភព៖ លោក ហេង ឡុង

សូមទស្សនារូបភាពខាងក្រោម៖