អង់គ្លេស៖ ព្រះវិហារនៅប្រទេសអង់គ្លេស (CoE) បានចេញនូវគោលការណ៍ណែនាំថ្មី ដោយមិនអនុញ្ញាតឲ្យមនុស្សលើសពី៥នាក់ឡើយ ចូលរួមពិធីអាពាហ៍ពិពាហ៍ ខណៈវីរុសកូវីដ-១៩កំពុងរាតត្បាតឥតឈប់ឈរ។

មនុស្សទាំង៥នាក់ដែលអនុញ្ញាតឲ្យចូលរួមក្នុងពិធី រួមមាន កូនកំលោះ កូនក្រមុំ លោកអាចារ្យនិងសាក្សីចំនួន២នាក់ទៀតប៉ុណ្ណោះ។

លោកបណ្ឌិត David Walker បានមានប្រសាសន៍ថា ជាធម្មតា ខាងគ្រួសាររបស់កូនកំលោះកូនក្រមុំ តែងតែចំណាយពេលជាច្រើនខែ ឬអាចដល់ជាងមួយឆ្នាំសម្រាប់រៀបចំគម្រោងនៃពិធីអាពាហ៍ពិពាហ៍។ ឥឡូវនេះ ពិធីអាចដំណើរការបានជាធម្មតា ប៉ុន្ដែមានចំនួនកំណត់នៃអ្នកចូលរួម។ ទន្ទឹមនឹងនេះ អ្នកប្រហែលជាមិនពេញចិត្ត ដូច្នេះអ្នកអាចសម្រេចចិត្តថា គួរតែលុបចោលពិធី ឬព្យារពេលប៉ុណ្ណោះ។ បើទោះបីជាការសម្រេចចិត្តយ៉ាងណាក៏ដោយ ក៏សេចក្ដីស្រលាញ់និងពររបស់ព្រះនឹងនៅជុំវិញខ្លួនយើង។

យ៉ាងណាមិញ កំឡុងពេលប្រារព្ធពិធី អ្នកដែលបានចូលរួមត្រូវនៅឲ្យឆ្ងាយពីកូនកំលោះកូនក្រមុំតាមដែលអាចធ្វើទៅបាន។ ហើយចំពោះពិធីបំពាក់ចិញ្ចៀន ដែលជាផ្នែកមួយនៃការអធិស្ឋាន ឬពរជ័យ គឺមិនត្រូវបានទាមទារឡើយ៕

សូមទស្សនារូបភាពខាងក្រោម៖

  លោកបណ្ឌិត David Walker

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ