អេស្ប៉ាញ៖ ឈុតឆាកដ៏រំជើបរំជួលមួយ បានបង្ហាញឲ្យឃើញពីទង្វើគួរឲ្យសរសើរពីសំណាក់អ្នកជិតខាងជាច្រើននាក់ តាមរយៈការធ្វើពិធីអបអរថ្ងៃខួបកំណើតដល់លោកយាយម្នាក់ ដែលមានវ័យឈានចូល ៨០ ឆ្នាំពីបង្អួចផ្ទះរបស់ពួកគេរៀងៗខ្លួន ខណៈប្រជាជនអេស្ប៉ាញទាំងអស់តម្រូវឲ្យស្នាក់នៅក្នុងផ្ទះ ស្របពេលវីរុស Covid-19 កំពុងរាតត្បាត។

លោកយាយ Charo ពេលបានឃើញនំខេក និងការច្រៀងអបអរពីអ្នកជិតខាង

តាមរយៈវីដេអូឃ្លីបដែលថតក្នុងតំបន់ Lavapies នៃទីក្រុងម៉ាឌ្រីដ ប្រទេសអេស៉្បាញ បានបង្ហាញឲ្យឃើញពីបុរសដែលជាអ្នកជិតខាងម្នាក់ បានយកនំខេកមួយទៅដាក់នៅមាត់ទ្វារខាងក្រៅបន្ទប់របស់លោកយាយ Charo ដែលគាត់រស់នៅតែម្នាក់ឯង។ បន្ទាប់មក​ បុរសនោះក៏បានគោះទ្វារបន្ទប់ ហើយនៅពេលដែលលោកយាយ Charo ចេញមកខាងក្រៅហើយបានឃើញនំខេក អមជាមួយនឹងការច្រៀងបទចម្រៀងខួបកំណើតពីអ្នកជិតខាងដែលនៅក្នុងផ្ទះល្វែងជុំវិញគាត់ទៀតនោះ បានធ្វើឲ្យលោកយាយវ័យចំណាស់រូបនេះ មានការភ្ញាក់ផ្អើលជាខ្លាំង រហូតទប់ទឹកភ្នែកមិនជាប់។

លោកយាយ Charo ពេលបានឃើញនំខេក និងការច្រៀងអមអរពីអ្នកជិតខាង

ទន្ទឹមនឹងនេះដែរ មានអ្នកជិតខាងម្នាក់ឈ្មោះ Nacho បាននិយាយថា៖

លោក Nacho

លោកក៏បានលើកឡើងពីក្ដីបារម្ភមួយថា៖

លោក Nacho

គួរឲ្យដឹងដែរថា អេស្ប៉ាញបានក្លាយជាប្រទេសទីបី ​​​​​​​​​​​​​​​​​​​​​​​​​​​ក្នុងចំណោមប្រទេសដែលរងគ្រោះដោយសារវីរុសប្រភេទថ្មី Covid-19 ខ្លាំងជាងគេក្នុងតំបន់អុឺរ៉ុប ដែលបច្ចុប្បន្នប្រទេសនេះបានរកឃើញករណីឆ្លងសរុបចំនួន ១១,៨២៦ ខណៈអ្នកស្លាប់មានចំនួន  ៥៥៣ នាក់។ នេះបើយោងទៅតាមតារាងទិន្នន័យ Tracking Coronavirus របស់ BNO News គិតត្រឹមល្ងាចថ្ងៃទី ១៨ ខែ មីនា ឆ្នាំ ២០២០

មានវីដេអូខាងក្រោម៖

ប្រជាជនអេស៉្បាញស្នាក់នៅក្នុងបន្ទប់រៀងៗខ្លួន ខណៈពេល Covid-19 កំពុងរាលដាល
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ