ភ្នំពេញ៖ គឺជាថ្ងៃដ៏ពិសេសអស្ចារ្យ សម្រាប់តារាសម្ដែងស្រី ម៉ាក សែនសូនីតា ដែលកាលពីម្សិលមិញនេះ គឺជាថ្ងៃរៀបមង្គលការរបស់នាង និងស្វាមី ដែលបានប្រារព្ធធ្វើឡើងនៅក្នុងសណ្ឋាគារសុខា ដែលជាសណ្ឋាគារលំដាប់ផ្កាយប្រាំ ប្រកបដោយភាពអធិកអធម និងភាពកក់ក្ដៅយ៉ាងខ្លាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ទិដ្ឋភាពនៅក្នុងថ្ងៃដ៏ពិសេសអស្ចារ្យរបស់នាង កាលពីម្សិលមិញនេះ ឃើញថា ពិតជាមានភាពអ៊ូអរ ដោយមានការចូលរួមពីសំណាក់មិត្តៗ ព្រមទាំងសិស្សច្បង និងសិស្សប្អូន នៅក្នុងរង្វង់សិល្បៈជាច្រើនបានមកចូលរួមអបអរសាទរទៅដល់នាង និងស្វាមីផងដែរ។
ដោយឡែក បើក្រឡេកទៅមើលក្នុងពិធីមង្គលរបស់នាងផ្ទាល់វិញ ឃើញថាពិតជាមានការរៀបចំ និងតុបតែងបានយ៉ាងស្រស់ស្អាត លេចធ្លោ ជាពិសេសអ្វីដែលធ្វើឲ្យហ្វេនៗចង់ដឹងកាន់តែច្បាស់ នោះគឺ ចិញ្ចៀនរៀបការរបស់អ្នកទាំងពីរ ដែលបានបំពាក់ឲ្យគ្នាទៅវិញទៅមក កាលពីពេលព្រឹកម្សិលមិញនេះ។
ដោយក្នុងនោះមានការលេចឡើងនូវ ចិញ្ចៀនរៀបការរបស់គូស្វាមីភរិយាមួយគូនេះ គឺត្រូវបានរចនាម៉ូតជា រូបនាគយ៉ាងប្រណីត ជាមួយនឹងការដាំពេជ្រ ដ៏ភ្លឺចែងចាំង ដែលក្រោយពីបានពាក់ហើយ គឺពិតជាមានសាកសមខ្លាំងណាស់៕
ចង់ជ្រាបច្បាស់ សូមទស្សនារូបភាពខាងក្រោម៖