លទ្ធផលធ្វើតេស្តរបស់ក្រុមគ្រួសារ Bie និង Gubgib ចេញជាផ្លូវការហើយ

ថៃ៖ គូស្វាមីភរិយាតារាសម្ដែងថៃ Bie Thassapak និង Gubgib Sumonthip ធ្លាប់បានប្រកាសថា ពួកគេនឹងទៅធ្វើតេស្តពិនិត្យរកមើលវីរុសកូវីដ-១៩ ក្រោយពេលដែលពួកគេបានជួបប្រាស្រ័យទាក់ទងជាមួយនឹងលោក Matthew Dean កាលពីថ្ងៃទី២០ កុម្ភៈ។

ឥឡូវនេះ លោក Bie បានបង្ហោះលទ្ធផលតេស្តរបស់លោក ភរិយា និងកូនស្រីជាផ្លូវការនៅលើគណនី Instagram របស់លោកហើយ ដែលក្នុងនោះ អ្នកទាំងបីគឺសុទ្ធសឹងតែចេញលទ្ធផលអវិជ្ជមាន បាន ន័យថាគ្មាននរណាម្នាក់ឆ្លងវីរុសកូវីដ-១៩ ឡើយ។

លោកក៏បានថ្លែងអំណរគុណអ្នកគាំទ្រគ្រប់រូបដែលបានបារម្ភ និងសូមជូនពរឲ្យក្រុមគ្រួសារ លោក Matthew មានសុខភាព ហើយឆាប់ជាសះស្បើយពីជំងឺដ៏កាចសាហាវនេះ៕