កាណាដា៖ យោងតាមទីភ្នាក់ងារសារព័ត៌មាន CBC បានរាយការណ៍កាលពីថ្ងៃព្រហស្បតិ៍ថា លោកស្រី Sophie Trudeau ដែលត្រូវជាភរិយារបស់នាយករដ្ឋមន្ត្រីកាណាដាលោក Justin Trudeau ត្រូវបាន​ក្រុម​វេជ្ជបណ្ឌិតធ្វើតេស្តរកឃើញថា មានផ្ទុកវីរុសកូរ៉ូណា ឬ COVID-19 ។

លោក Trudeau បានលុបចោលការប្រជុំផ្ទាល់​ ហើយលោកក៏បានស្នើរសុំឱ្យលុបចោលការជួបជុំផ្សេងទៀត ដើម្បីទប់ស្កាត់ការចម្លងវីរុសជំងឺ

សារព័ត៌មាន CBC ក៏បានរាយការណ៍​ទៀតថា លោកស្រី Sophie Trudeau បានធ្លាក់ខ្លួនឈឺនៅពេលដែលគាត់ធ្វើដំណើរត្រឡប់មក​ពីចក្រភពអង់គ្លេសវិញ។

លោក Trudeau ជាមួយនឹងភរិយារបស់លោក

គួរឱ្យដឹងផងដែរថា រហូតមកដល់ពេលនេះ លោកនាយករដ្ឋមន្ត្រីកាណាដា ត្រូវបាន​វេជ្ជបណ្ឌិតរៀបចំឱ្យនៅដាច់ដោយឡែក ​ក្នុងរយៈពេល 14 ថ្ងៃ​ ហើយរង់ចាំលទ្ធផលធ្វើតេស្តរបស់លោក។

លោក Justin និង លោកស្រី Sophie Trudeau បានរៀបការតាំងពីឆ្នាំ ២០០៥ ហើយមានកូន ៣ នាក់

បើទោះបីត្រូវគេរៀបចំឱ្យនៅ​ដាច់ដោយឡែក​ក៏ដោយ ក៏លោក Trudeau នៅតែអាចធ្វើការសន្ទនាតាមទូរស័ព្ទជាមួយមេដឹកនាំពិភពលោកជាច្រើន រួមទាំងប្រធានាធិបតីអាមេរិកលោក ដូណាល់ ត្រាំ ផងដែរ។

លោកស្រី Sophie Trudeau ​បា​ធ្វើដំណើរទៅចក្រភពអង់គ្លេស​ដើម្បីចូលរួមក្នុងព្រឹត្តិការណ៍និយាយជាសាធារណៈមួយ

យោងតាមការិយាល័យនាំពាក្យរបស់លោក Trudeau ក៏បានឱ្យដឹងដែរថា នាយករដ្ឋមន្ត្រីនិងប្រធានាធិបតី បាន​ពិភាក្សាគ្នាពីបញ្ហាប្រឈមទាក់ទងនឹងការរាតត្បាតរបស់វីរុសកូរ៉ូណារវាងប្រទេសកាណាដានិងសហរដ្ឋអាមេរិក​ បួករួមទាំងបញ្ហា​​ព្រំដែន​រវាងប្រទេសទាំងពី​រ​៕

លោក Trudeau ​ត្រូវបានគេរៀបចំដាក់ឱ្យនៅដាច់ដោយឡែករយៈពេល ១៤​ ថ្ងៃ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ