ថៃ៖ តារាសម្តែង និងជាពិធីករដែលពោរពេញទៅដោយសមត្ថភាព រួមទាំងរូបរាងកាយសង្ហារឹងមាំ Man Pattanapol Mintakhin បានបើកកកាយរឿងរ៉ាវប្រវត្តិរបស់ខ្លួនកាលពីអតីតកាលនៅក្នុងកម្មវិធីសម្ភាសន៍មួយរបស់ស្ថានីយ៍ទូរទស្សន៍ GMM25 ដែលស្តាប់មើលទៅ ធ្វើឲ្យអ្នកគាំទ្រនឹកស្មានមិនដល់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះលោកបានរៀបរាប់ថា កាលពីលោកនៅរៀនថ្នាក់វិទ្យាល័យ លោកគឺជាក្មេងញៀនថ្នាំកម្រិតធ្ងន់ធ្ងរស្ទើរតែបាត់បង់ជីវិតនៅពេលនោះទៅហើយ។ មិនត្រឹមតែប៉ុណ្ណោះ លោកក៏បានរៀបរាប់ពីសកម្មភាពទំនើងដែលលោកបានប្រព្រឹត្តិកាលពីនៅជាយុវវ័យជាច្រើនដូចជា បង្ហោះម៉ូតូកណ្ដាលទ្រូងផ្លូវ ប្រើអំពើហិង្សា បាញ់បោះដាក់គ្នាជាដើម។ លោកបានបញ្ជាក់ទៀតថា លោកបានក្លាយទៅជាបែបនោះ ដោយសារតែឃើញមិត្តភក្តិនៅជុំវិញខ្លួននាំគ្នាជក់គ្រឿងញៀន ហើយខ្លួនក៏ចង់សាកតាមគេ ទើបជ្រុលធ្លាក់ខ្លួនទៅជាមនុស្សម្នាក់ដែលសង្គមលែងត្រូវការ។
ប៉ុន្តែក្រោយមក លោកបានកែប្រែខ្លួនជាថ្មី ដោយសារបានទទួលនូវដំបូន្មានពីសំណាក់ម្តាយ រហូតដល់អាចផ្តាច់ចេញពីគ្រឿងញៀនបានទាំងស្រុង។ ដោយហេតុនេះ លោកបានបង្ហោះសារមួយនៅលើ Instagram ដែលមានខ្លឹមសារថា "ម្តាយជាព្រះអរហន្តដែលផ្លាស់ប្តូរជីវិតកូន"៕