ភ្នំពេញ៖ ខ្សែភាពយន្តភាគខ្មែរ រឿងរាជិនីភូមិគ្រឹះ ដែលកំពុងទទួលបានការគាំទ្រយ៉ាងខ្លាំងពីទស្សនិកជន គឺជារឿងភាគមួយដែលមានការចូលរួមសម្តែងពីសំណាក់តារាសម្ដែងល្បីៗជាច្រើន ដែលក្នុងនោះ អ្នកនាង សូដា នីតា ក៏ជាតួអង្គមួយដែលទទួលបានការចាប់អារម្មណ៍ច្រើនផងដែរ។ អ្នកនាង សូដា នីតា បានសម្តែងជាតួម៉ាឡា ភរិយាទី៣របស់លោកសេដ្ឋា ហើយចរិតលក្ខណៈរបស់តួអង្គនេះមានចំណុចគួរឲ្យខ្នាញ់ជាច្រើន រហូតដល់បានទទួលរហស្សនាមពី Admin របស់ទំព័រហ្វេសប៊ុក Hang Meas Khmer Drama និងទស្សនិកជនថាជា រាជិនីតែស្ករ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមូលហេតុដែលតួអង្គម៉ាឡាបានទទួលងារបែបនេះ គឺដោយសារតែតួអង្គនេះចូលចិត្តចាក់រុកឆ្កឹះឆ្កៀលអ្នកដទៃឲ្យឈ្លោះគ្នា នៅមុខអ្នកនេះនិយាយដើមអ្នកនោះ នៅមុខអ្នកនោះនិយាយដើមអ្នកនេះ ជាពិសេសពូកែខាងហៃអើៗដើម្បីធ្វើឲ្យគេមើលមកថាខ្លួនជាមនុស្សល្អ។ មិនត្រឹមតែប៉ុណ្ណោះ តួអង្គនេះចូលចិត្តសម្ងំលាក់ពុត ហើយកេងយកផលប្រយោជន៍ពីការអុជអាលឲ្យអ្នកដទៃឈ្លោះគ្នា ឬចេញមុខធ្វើអំពើអាក្រក់ជំនួសខ្លួន។
តួអង្គដែលប្រឈមមុខខ្លាំងជាងគេនឹងចរិតតែស្កររបស់ម៉ាឡា គឺតួអង្គអ្នកស្រីទី២ សម្តែងដោយ អ្នកនាង ចនច័ន្ទ លក្ខិណា ព្រោះតួអង្គអ្នកស្រីទី២ តែងមានចរិតឆេវឆាវ ហើយធ្វើអ្វីមិនបានគិតមុខក្រោយ ជាហេតុធ្វើឲ្យអ្នកស្រីទី៣ អាចកេងចំណេញប្រយោជន៍បានជារឿយៗ។
អ្នកនាង សូដា នីតា ពិតជាសម្តែងបានយ៉ាងល្អក្នុងតួអង្គម៉ាឡា រាជិនីតែស្ករ ដែលអាចធ្វើឲ្យទស្សនិកជនជក់ចិត្តដិតអារម្មណ៍ និងបន្តតាមដានសាច់រឿង រាជិនីភូមិគ្រឹះ តាំងពីដើមរហូតមកដល់ភាគបញ្ចប់ក្នុងពេលឆាប់ៗនេះ៕
សូមទស្សនារូបភាព និងវីដេអូខ្លីខាងក្រោម៖