កូនភ្លោះទាំងពីរ នាយ ក្រឹម កាន់តែធំ កាន់តែគួរឲ្យស្រលាញ់ជាងមុន មុខដូចលោកបេះដាក់

ភ្នំពេញ៖​ ជឿជាក់ថាប្រិយមិត្ត ប្រាកដជាស្គាល់កំពូលតារាកំប្លែង នាយ ក្រឹម ដែលលោកជាតារាកំប្លែងមួយរូបមានប្រជាប្រិយភាពយ៉ាងខ្លាំង ពីទស្សនិកជន។ បើទោះបីរូបលោក មានវ័យចាស់បន្តិចក៏ពិតមែន តែរូបលោកនៅតែ​មានអ្នកគាំទ្រច្រើនជាងមុនទៅទៀត។

យ៉ាងណាមិញ យើងបានដឹងហើយថា នាយ ក្រឹម និង តារាកំប្លែង ស្រីលាភ ពួកគេទាំងពីរ មានកូនភ្លោះស្រី ដ៏គួរឲ្យស្រលាញ់។ បើនិយាយពីជីវិតគ្រួសាររបស់អ្នកទាំងពីរ វិញមើលទៅពិតជាមានសុភម្គល និង កាន់តែផ្អែមល្ហែមជាងមុន ដោយអ្នកទាំងពីរតែងតែទៅណាមកណា ជាមួយគ្នាជាគូ មិនចាញ់ក្មេងៗឡើយ។

ជាការពិតណាស់ អ្នកទាំងពីរមានកូនភ្លោះស្រីដ៏គួរឲ្យស្រលាញ់ តែបើងាកមកមើលពីរូបភាពកាលពីពេលថ្មីៗនេះ ទើបដឹងថា កូនភ្លោះស្រីទាំងពីរ របស់ នាយ ក្រឹម និង ស្រីលាភ គឺកាន់តែធំធាត់ជាងមុន បើនិយាយពីរូបសម្រស់កូនភ្លោះវិញ កាន់តែក្នាញ់ និង ឃ្យូតជាងមុន ដូចលោកបេះដាក់ សូម្បីតែ លោក ជា វណ្ណារិទ្ធ និង អ្នកនាង កែវ ចាន់និមល ក៏សរសើរពីរូបសម្រស់របស់កូនភ្លោះទាំងពីរនេះដែរ៕

សូមទស្សនារូបភាពខាងក្រោម៖