ភ្នំពេញ៖ អតីតពិធីករប្រុសពូកែវោហារប្រចាំប៉ុស្តិ៍ MYTV លោក VJ រតនា ចាប់តាំងពីរៀបការមក លោកបានផ្តាច់ខ្លួនទាំងស្រុងពីវិស័យសិល្បៈ ដោយលោកបានងាកមកប្រើជីវិតសាមញ្ញ រស់នៅយ៉ាងសោយសុខពោរពេញ ទៅដោយសុភមង្គល ជាមួយនឹងភរិយាដ៏សែនស្រស់ស្អាតផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សម្យ៉ាងវិញទៀត បន្ទាប់ពីចាប់ដៃគ្នាសាងជីវិតគ្រួសារជាមួយភរិយាជាច្រើនឆ្នាំមកនេះ បច្ចុប្បន្នពួកគាត់ ក៏ទទួលបាន កូនប្រុសដ៏គួរឲ្យស្រលាញ់ ២នាក់ជាចំណងដៃផងដែរ។ ជាមួយគ្នានេះផងដែរ កាលពីពេលថ្មីៗនេះ អ្នកទាំងពីរកំពុងតែអបអរជាមួយនឹងដំណឹង ទទួលបានសមាជិកថ្មី គឺ កូនទី៣ដែលកំពុងតែចាប់កំណើតពរពោះក្នុងផ្ទៃភរិយាថែមទៀតផង។
ទន្ទឹមនឹងដំណឹងដ៏រីករាយនេះដែរ Vj រតនា បានបង្ហាញអារម្មណ៍ដែលបារម្ភពីសុខទុក្ខភរិយា និងក្លាយទៅជាប៉ារបស់គេជាលើកទី៣ តាមរយៈពាក្យពេចន៍មួយចំនួនថា៖
ប្រពន្ធសម្លាញ់ចិត្តបង អូនលំបាកទៀតហើយ បងអាណិតអូនណាស់ ស៊ូៗណាអូន កូនមាសឪពុកអេីយ កុំធ្វេីបាប Mummy ពេកកូនម៉ាក់កូនខ្សោយណាស់ គេងមិនបាន ញុំមិនបាន បងប្អូនមានវិធីសាស្ត្រអី ដេីម្បីឲ្យប្តី ជាអ្នក ចាញ់ជំនួស វិញអត់ ?
ក្រោយពីបានឃើញសារទាំងនេះ ហ្វេនជាច្រើនពិតជាសរសើរដល់លោក ដែលតាំងពីរៀបការជាមួយភរិយា នាងតែងតែទទួលបានការមើលថែ ផ្តល់ក្តីស្រលាញ់បែបនេះគ្រប់ពេល មិនថាកូន១ ឬកូនក្នុងផ្ទៃទី៣ពេលនេះនោះទេ៕
Bong I.T