បារាំង៖ មន្ត្រីសុខាភិបាលជាន់ខ្ពស់របស់ប្រទេសបារាំងបាននិយាយកាលពីថ្ងៃអង្គារថា ប្រទេសបារាំងបានរកឃើញករណីអ្នកជំងឺឆ្លងវីរុសកូរ៉ូណា ២ នាក់បន្ថែមទៀត ហើយក្នុងចំណោមអ្នកជំងឺទាំង ២ នាក់នោះគឺមិនមាននរណាម្នាក់ស្ថិតក្នុងស្ថានភាពធ្ងន់ធ្ងរនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Jérôme Salomon ដែលជាប្រធានទីភ្នាក់ងារសុខភាពជាតិរបស់ប្រទេសបារាំងបាននិយាយថា ករណីទី១ នៃអ្នកជំងឺកូរ៉ូណាថ្មីនេះ គឺជាស្ត្រីជនជាតិចិនវ័យក្មេងដែលទើបបានធ្វើដំណើរវិលត្រឡប់មកពីប្រទេសចិន ហើយបច្ចុប្បន្នកំពុងសម្រាកព្យាបាលនៅមន្ទីរពេទ្យមួយក្នុងទីក្រុងប៉ារីស។ ចំណែកករណីមួយទៀត អ្នកជំងឺគឺជាបុរស ដែលថ្មីៗនេះគាត់បានធ្វើដំណើរទៅកាន់តំបន់ Lombardy ភាគខាងជើងប្រទេសអ៊ីតាលី ដែលជាតំបន់មួយកំពុងរងការរាតត្បាតខ្លាំងដោយវីរុសកូរ៉ូណា។
គួរជម្រាបដែរថា ករណីអ្នកជំងឺឆ្លងវីរុសកូរ៉ូណានៅក្នុងប្រទេសបារាំងបានឡើងដល់ ១៤ នាក់ ហើយក្នុងចំណោមអ្នកជំងឺទាំង ១៤ នាក់នោះ មានម្នាក់បានស្លាប់បាត់បង់ជីវិត ចំណែកអ្នកជំងឺ ១១ នាក់ផ្សេងទៀតបានទទួលការព្យាបាលជាសះស្បើយ៕
សូមទស្សនាវីដេអូខាងក្រោម៖