ចិន៖ កាលពីថ្ងៃសៅរ៍ អាជ្ញាធរនៅក្នុងទីក្រុងវូហានបានដាក់ចេញនូវវិធានការណ៍ថ្មីមួយ សំរាប់អ្នកជំងឺកូរ៉ូណាដែលបានទទួលការព្យាបាលជាសះស្បើយ នឹងត្រូវដាក់ឱ្យនៅដាច់ដោយឡែករយៈពេល ១៤ ថ្ងៃបន្ថែមទៀត ក្រោយក្រុមគ្រូពេទ្យបានធ្វើតេស្តរកឃើញថា អ្នកជំងឺមួយចំនួន ដែលចេញពីមន្ទីរពេទ្យក្រោយជាសះស្បើយពីជំងឺ គឺបានផ្ទុកវីរុសកូរ៉ូណាម្តងទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមជ្ឈមណ្ឌលត្រួតពិនិត្យនិងព្យាបាលជំងឺឆ្លងកូរ៉ូណានៅក្នុងទីក្រុងបានប្រកាសថា អ្នកជម្ងឺទាំងអស់ ដែលត្រូវបានអនុញ្ញាត្តឱ្យចាកចេញពីមន្ទីពេទ្យក្រោយជាសះស្បើយ នឹងត្រូវបញ្ជូនបន្តឱ្យទៅរស់នៅដាច់ដោយឡែករយៈពេល ២ សប្តាហ៍ ដើម្បីធ្វើការតាមដានអាការៈជំងឺ និងងាយស្រួលបន្តការព្យាបាល។
ការរៀបចំទុកដាក់អ្នកជំងឺដែលជាសះស្បើយឱ្យនៅដាច់ដោយឡែកពីគ្នានេះ ត្រូវបានធ្វើឡើងបន្ទាប់ពីក្រុមគ្រូពេទ្យជំនាញចិន ដែលកំពុងបម្រើការនៅជួរមុខបានព្រមានថា អ្នកជំងឺដែលបានទទួលការព្យាបាលជាសះស្បើយក៏នៅតែអាចផ្ទុកវីរុសនេះ ហើយជាពិសេសវាក៏អាចចម្លងទៅមនុស្សដ៍ទៃទៀតដែរ។
លោកវេជ្ជបណ្ឌិត Zhao Jianping ដែលជាប្រធានក្រុមកំពុងធ្វើការនៅជួរមុខទប់ស្កាត់ការផ្ទុះឡើងនៃវីរុសកូរ៉ូណាក្នុងខេត្តហ៊ូប៉ី បាននិយាយកាលពីថ្ងៃព្រហស្បតិ៍ថា៖